Nɔ Ko Ni Baawa Bo Kɛ Niiamlitaomɔ

Nibii Ni Akɛtsɔɔ Gbekɛbii Nii

Fɔlɔi yɛ nitsumɔ ko ni he hiaa waa, ni no ji, ni amɛtsɔɔ amɛbii lɛ Yehowa he nii. (Efe. 6:4) Yehowa asafo lɛ efee nibii srɔtoi pii ni baaye abua fɔlɔi ni amɛtsɔɔ amɛbii lɛ nii. Kɛ́ fɔlɔ ji bo lɛ, mɛɛ gbɛ nɔ obaanyɛ okɛ nibii nɛɛ atsu nii jogbaŋŋ?

• Yaa jw.org. Kɛ́ otee jw.org lɛ, obaana vidioi kɛ nifeemɔi fɛɛ ni Yehowa asafo lɛ efee ehã gbekɛbii lɛ yɛ jɛmɛ.a Kɛ́ ootao nibii nɛɛ, tswaa “Gbekɛbii” loo “Oblahii kɛ Oblayei” owo akrabatsa ni atswaa wiemɔi awoɔ mli kɛtaoɔ nii yɛ saiti lɛ nɔ lɛ mli.

• Kwɛmɔ nɔ ni baahi kɛhã obi lɛ. Nibii ni akɛwo fã ni ji, “Gbekɛbii” lɛ shishi lɛ baanyɛ aye abua bo ni ona nɔ ni baahi kɛhã obi lɛ. Kɛ́ ootao ona nibii nɛɛ ekomɛi lɛ, tswaa “Weku Jamɔ Nifeemɔi” owo akrabatsa ni akɛtaoɔ nii yɛ saiti lɛ nɔ lɛ mli.

• Kaashi ohã obi lɛ pɛ. Kaashi obi lɛ akɛ be fɛɛ be lɛ, ekome ekwɛ vidioi lɛ loo efee nifeemɔi lɛ kɛjie ehiɛtserɛ. Moŋ lɛ, okɛ lɛ afee ekome kɛsusu vidioi lɛ loo nifeemɔi lɛ ahe, ni oye obua lɛ ni ebatsɔ Yehowa naanyo.