Sanebimɔi Ni Jɛ Kanelɔi Adeŋ

◼ Mɛni Yesu tsɔɔ beni ekɛɛ akɛ: “Gbɔmɔtso lɛ kane ji hiŋmɛi. No hewɔ lɛ kɛji ohiŋmɛi nɔ tse lɛ, ogbɔmɔtso muu lɛ aaayi kɛ la”?

Mɛi komɛi miitsɔɔ akɛ nɛkɛ wiemɔi ni yɔɔ Mateo 6:22 nɛɛ hiɛ hewalɛnamɔ loo tsofafeemɔ he shishinumɔ ko, tamɔ nɔ ni hiŋmɛi lɛ ji nɔ titri ni atsɔɔ nɔ aleɔ helai aloo gbɔmɔtsoŋ gbɔjɔmɔi. Shi enɛ kɛ kuku lɛ mli sane lɛ kpaaa gbee. No mli lɛ Yesu ebɔ kɔkɔ́ eshi ‘jwetri ni aaabɔ aha he yɛ shikpɔŋ nɔ’ lɛ. Ni yɛ be mli ni ewie wiemɔi ni kɔɔ “hiŋmɛi” lɛ he lɛ sɛɛ lɛ, ewo hewalɛ ni asɔmɔ Nyɔŋmɔ moŋ fe nifalɛ.​—Mateo 6:​19-24.

Eka shi faŋŋ akɛ nɔ ni Yesu maa nɔ mi ji ni ekaselɔi lɛ ana hiŋmɛi ni “nɔ tse,” ni ji akɛ, nɔ ni kɛ ehiɛ maa nɔ kome nɔ, fe ni eeeha nɔ ko agbala lɛ, tamɔ jeŋ ninamɔ. Kristofonyo ni kɛ ehiɛ maa Nyɔŋmɔ suɔmɔnaa nifeemɔ nɔ lɛ kpɛɔ tamɔ “la,” ejaakɛ ekpɛmɔ lɛ tsɔɔ tamɔ hiŋmɛigbelemɔ kɛhaa mɛi, ni enɛ woɔ Nyɔŋmɔ hiɛ nyam.

December Daa Gbi Ŋmalɛ

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)