Maŋtsɛyeli Jajelɔi Bɔ Amaniɛ
‘Miishɛɛ Ji Mɛi ni Mumɔŋ Hɔmɔ Yeɔ Amɛ Lɛ’
YESU kɛɛ: “Miishɛɛ ji mɛi ni hiɛ yɔɔ amɛmumɔŋ hiamɔ nii anɔ lɛ.” (Mateo 5:3, New World Translation) Gbɔmɛi ni tamɔ nɛkɛ taoɔ saji ni haa mɔ wala Iɛ kɛjɛɔ Nyɔŋmɔ Wiemɔ. Biblia Iɛ mli, ni nɛkɛ nilee ni amɛnaa nɛɛ kɛ amɛ baaya naanɔ wala namɔ mli.—Mateo 4:4; Yohane 17:3.
◻ Mɔ ko ni mumɔŋ hɔmɔ miiye lɛ yɛ Afrika shikpɔŋ ko nɔ lɛ nyiɛ fɛ̃i kɛ duŋ mli ŋmɛlɛtswai ejwɛ sɔŋŋ bɔni afee ni enine ashɛ My Book of Bible Stories wolo lɛ eko nɔ. Beni eshɛ akrowa he ni Yehowa Odasefoi Iɛ shiɛɔ yɛ lɛ, ekɛ nijiaŋwujee kɛ dɔlɛ babaoo na ele akɛ amɛkɛ naagbee nɔ lɛ eha mɔ ko momo. Ehi akrowa Iɛ aahu gbii etɛ sɔŋŋ kɛyashi amɛnine shɛ woji ni amɛshɛ Iɛ anɔ, ni yɛ naagbee lɛ ena miishɛɛ akɛ ena nɛkɛ mumɔŋ wiemɔi kpakpai nɛɛ eko akɛ lɛ diɛŋtsɛ enɔ.
Nakai nyɔŋ kome ni amɛkɛhi nɛkɛ he ni yɔɔ banee nɛɛ mli lɛ, Odasefoi Iɛ ja woji wuji 55, woji bibii 365, kɛ woji tɛtrɛbii 145, ni amɛha mɛi 5 shɛ woji tɛtrɛbii lɛ eko. Amɛnu he waa diɛŋtsɛ, beni onukpai kɛ gbekɛbii fɛɛ kɛ amɛye shɛɛ, beni amɛshiɔ amɛ lɛ, ni amɛmiibolɔ yɛ Kpelle wiemɔ lɛ mli akɛ: “Yehowa kɛ nyɛ ahi shi!” Aabɔ mɔdɛŋ koni ayadi mɛi ni na wiemɔ lɛ he miishɛɛ Iɛ asɛɛ.
Mɔ kroko hu jɛ nɛkɛ maŋ nɛɛ nɔŋŋ mli ni Iɛ hu mumɔŋ hɔmɔ miiye lɛ. Yoo nɛɛ ji esɔlemɔ Iɛ shika-tolɔ kɛ mɔ ni kwɛɔ hiɛtserɛjiemɔ nɔ yɛ amɛmaŋ lɛ mli. Beni Odasefoi Iɛ ba eŋɔɔ lɛ, ekɛ yaafonui kpɛlɛ nɔ akɛ sɔlemɔ Iɛ shɛɛɛ taomɔ nii ni Biblia Iɛ etsɔɔ kɛha Kristo jamɔ Iɛ he kwraa. Odasefoi Iɛ tsɔɔ lɛ bɔ ni eeefee eyoo anɔkwa jamɔ Iɛ kɛjɛ lɛ diɛŋtsɛ e-Biblia lɛ mli. Kɛkɛ ni etee kpeei enyɔ yɛ Maŋtsɛyeli Asa Iɛ nɔ ni yɛ sɛɛ mli lɛ ejaje akɛ: “Nɔ ni mina kɛ nɔ ni minu lɛ tsɔ miyiŋ lɛlɛŋ akɛ anɔkwale lɛ nɛ.” Yoo lɛ hiɛ sɔ kpeei Iɛ kɛ bɔ ni mɛi ni ba kpee Iɛ jie subaŋ kpakpa kpo lɛ hu. Ena akɛ nɔ ni Odasefoi ni ba eŋɔɔ lɛ kɛɛ lɛ lɛ jeee nɔ ni amɛmiika amɛhiɛ amɛmiiwie kɛkɛ, shi moŋ nɔ ko ni yɔɔ diɛŋtsɛ. Kɛjɛ nakai beaŋ kɛbaa nɛɛ, ebɔi egbɛjianɔtoo koni ekɛ esɔlemɔ lɛ afo tako mli kwraa, ni nɔ ni ejɛ mli eba lɛ ebafee odaseyeli fɛfɛo yɛ akutso lɛ mli fɛɛ.
◻ Mumɔŋ hɔmɔ miiye Melanesia obalanyo osɔfo ko hu yɛ New Caledonia. Eyana Anɔkwale ni kɛ Mɔ Yaa Naanɔ Wala Mli Lɛ wolo lɛ eko ka okpɔlɔ ko nɔ yɛ emami shia, ni ekɔ ni ekane yitsei 2 kɛ 3. Biblia mli ŋmalɛi ni yɔɔ 2 Mose 20:4, 5 kɛ Yohane 4:23, 24 ni agbala mli yɛ wolo lɛ mli lɛ sa etsui he. Yɛ nɔ ni ŋmalɛi nɛɛ kɛɔ lɛ hewɔ lɛ, etee eyabi amɛ osɔfo lɛ nɔ hewɔ ni Katolek Sɔlemɔ Iɛ ŋmɛɔ gbɛ ni akɛ amagai tsuɔ nii yɛ jamɔ mli lɛ. Osɔfo lɛ jo sanebimɔ lɛ naa foi. Nuu Iɛ tee “Kristofoi” ajamɔi sɔrɔtoi pii amli, shi amɛhaaa esanebimɔi Iɛ ahetoo bɔ ni etsui baanyɔ emli. Yɛ naagbee lɛ, ekpɛ eyiŋ akɛ ekɛ enyɛ, ni lɛ hu ebɔi anɔkwale Iɛ he miishɛɛ namɔ momo lɛ baaya kpee ko ni Yehowa Odasefoi feɔ lɛ eko. Ehiɛ sɔ suɔmɔ ni ena yɛ Odasefoi lɛ ateŋ kɛ amɛtsɔɔmɔ ni damɔ Biblia lɛ nɔ lɛ waa diɛŋtsɛ.
Yɛ gbɛ Iɛ jɛkɛmɔ lɛ fɛɛ sɛɛ lɛ, edamɔɔ gbɛjegbɛ he etaoɔ tsɔne kɛyaa kpeei be fɛɛ be, ni ekɛ oyaiyeli kɔ eshidaamɔ yɛ anɔkwale Iɛ gbɛfaŋ, ni abaptisi lɛ. Amrɔ nɛɛ eji asafoŋ sɔɔlɔ. Enyɛ kɛ eheloonaa nyɛmimɛi yei enyɔ hu batsɔmɔ Yehowa Odasefoi. Obalanyo Iɛ shiɛ etsɔɔ Iɛ diɛŋtsɛ emaŋbii Iɛ ni eje Biblia mli nikasemɔi pii ashishi. Amrɔ nɛɛ emaŋbii lɛ ateŋ mɛi pii yaa kpeei yɛ nakai akutso Iɛ mli—ni enɛ fɛɛ jɛ na ni obalanyo nɛɛ yana wolo ko ni gbalaa Biblia lɛ mli jogbaŋŋ ni eka okpɔlɔ ko nɔ, ni ekase, ni ekɛ hiɛdɔɔ tsu nɔ ni ekase Iɛ he nii lɛ hewɔ.
Yehowa yɛ mumɔŋ niyeli he gbɛjianɔtoo ko ni miitsu nii ŋmɛnɛ, ni gbɔmɛi asafo babaoo naa he sɛɛ. Yesaia gba yɛ he efɔ shi yɛ gbɛ ni ja nɔ beni ekɛɛ nɛkɛ lɛ: “Naa, mitsuji Iɛ aaaye nii, shi nyɛ [mɛi ni yɔɔ apasa jamɔ mli] lɛ, hɔmɔ aaaye nyɛ.” (Yesaia 65:13) Miishɛɛ ji wɔ kɛji wɔna Yehowa gbɛjianɔtoo ni yɔɔ kɛha wɔ mumɔŋ niyenii namɔ lɛ he sɛɛ lɛ.