Woji ni Ajie Amɛ Kpo Ehee lɛ Yeɔ Ebuaa Wɔ ni Wɔkɛ Nyɔŋmɔ Jamɔ Hebuu-Kɛhamɔ Tsɔseɔ Wɔhe
1 Wɔnyɛko wɔfee kpokpaa wulu nɔ kpee afi nɛɛ, shi wɔyɛ hiɛnɔkamɔ akɛ, kɛ wɔje nɛkɛ naagbai nɛɛ amli lɛ, abaato kpokpaa wuji anɔ kpeei he gbɛjianɔ, bɔ ni afee ni nyɛmimɛi lɛ ana kpeei lɛ shishi wiemɔi lɛ ahe sɛɛ. Taakɛ nyɛnu momo lɛ, ato kpokpaa wulu nɔ kpee lɛ shishi wiemɔi lɛ ahe gbɛjianɔ koni eye ebua Nyɔŋmɔ webii ni amɛna ni amɛhiɛ Nyɔŋmɔ jamɔ hetuu-kɛhamɔ mli ni amɛjie lɛ kpo babaoo yɛ amɛshihilɛi amli. (1 Tim. 4:7) Enɛ yeɔ ebuaa wɔ koni wɔbɛŋkɛ Yehowa he kpaakpa yɛ anɔkwa jamɔ mli.
2 Ajie woji etɛ kpo yɛ je lɛŋ hei sɔrɔtoi fɛɛ ni afee nɛkɛ kpeei nɛɛ yɛ lɛ. Klɛŋklɛŋ nɔ lɛ gbɛi ji Should You Believe in the Trinity? (Ani Esa Akɛ Ohe Triniti lɛ Oye?) ni nɔ ni ji enyɔ lɛ gbɛi ji Questions Young People Ask—Answers That Work (Sanebimɔi ni Obalaŋtai Biɔ—Hetooi ni Anyɛɔ Atsuɔ he Nii) . Nɔ ni ji etɛ ni ajie lɛ kpo lɛ ji The Bible—God’s Word or Man’s? (Biblia lɛ—Nyɔŋmɔ Wiemɔ Aloo Gbɔmɔ Nɔ?) Nyɛhaa wɔsusua yiŋtoo ni yɔɔ woji heei nɛɛ eko fɛɛ eko sɛɛ lɛ he.
Wolo Bibioo Hee Lɛ
3 Nɔ ni yɔɔ wolo bibioo hee ni ji Should You Believe in the Trinity? lɛ mli ji Ŋmalɛ mli naataomɔi ni tsɔɔ mɔ yiŋ ni kpaa apasa ni triniti tsɔɔmɔ lɛ ji lɛ he mama ni etsɔɔ anɔkwale ni kɔɔ Nyɔŋmɔ, e-Bi Yesu Kristo kɛ mumɔ krɔŋkrɔŋ lɛ he lɛ mli. Yɛ nɛkɛ be nɛɛ mli ni Kristendom miifee triniti tsɔɔmɔ lɛ shi ekoŋŋ lɛ, nɛkɛ wolo bibioo nɛɛ ni ajie lɛ kpo nɛɛ eba yɛ ebe mli pɛpɛɛpɛ ni eji wolo ni Nyɔŋmɔ kɛha.
4 Wɔ shidaamɔ ni damɔ Biblia lɛ nɔ lɛ ji akɛ “wɔ lɛ, Nyɔŋmɔ kome pɛ wɔyɔɔ.” (1 Kor. 8:6) Nɛkɛ wolo bibioo hee nɛɛ baaye ebua wɔ ni ekpa amale ni nɛkɛ wɔŋjalɔi atsɔɔmɔ ni triniti nɛɛ ji lɛ he mama yɛ be mli ni wɔwoɔ mɛi fɛɛ hewalɛ ni ‘amɛha ana Nyɔŋmɔ akɛ anɔkwafo, ni ana gbɔmɔ fɛɛ gbɔmɔ akɛ amalelɔ’ lɛ.—Rom. 8:4.
Hetooi Kɛha Obalayei
5 Afii pii nɛ ni Awake! wolo tɛtrɛɛ lɛ mli sane krɛdɛɛ ko eje kpo kɛha obalaŋtai ni egbɛi ji “Obalaŋtai Biɔ Akɛ . . .” Sane ni aŋmaa yɛ Awake! lɛ mli nɛɛ eha obalaŋtai kɛ onukpai fɛɛ anya he. Mɛi komɛi ebi po akɛ: “Mɛɛ be abaabua nɛkɛ saji nɛɛ fɛɛ naa afee wolo kpo kome aha wɔ?” Ebaafee bo miishɛɛ akɛ ooonu akɛ ebua nɛkɛ saji nɛɛ anaa ni afee lɛ wolo hee kome ni egbɛi ji Questions Young People Ask—Answers That Work. Eyɛ mli akɛ afee wolo nɛɛ koni ehe aba sɛɛnamɔ aha obalaŋtai titri moŋ, shi fɔlɔi kɛ agbɛnɛ tsɛmɛi titri ji mɛi ni awoɔ amɛ hewalɛ ni amɛnyiɛ hiɛ yɛ wolo nɛɛ kɛ nitsumɔ mli koni amɛkɛtsɔse amɛbii ‘ni amɛlɛ amɛ yɛ Yehowa tsɔsemɔ kɛ ŋaawoo lɛ mli.’—Efe. 6:4.
6 Esa akɛ fɔlɔi kɛ gbekɛbii fɛɛ afee
(Atsa nɔ yɛ baafa 4, gbɛhe 1)