Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ July 1

“Ani osusuɔ akɛ adesai baanyɛ amɛkɛ Nyɔŋmɔ Ofe lɛ abɔ gbagbalii? [Ŋmɛɛ gbɛ ni eha hetoo. No sɛɛ lɛ kanemɔ Bɔfoi lɛ Asaji 17:27.] Sane ni yɔɔ biɛ lɛ wieɔ nɔ hewɔ ni wɔbaanyɛ wɔná nɔmimaa akɛ Nyɔŋmɔ miisumɔ ni wɔbɛŋkɛ lɛ kpaakpa lɛ he.” Okɛ sane ni jieɔ shishi yɛ baafa 10 lɛ atsɔɔ lɛ.

Awake! July

“Hiɛtserɛjiemɔi ni yaa nɔ ŋmɛnɛ lɛ babaoo tsɔɔ akɛ mɛi babaoo miinya ŋkunyaayeli nifeemɔi ahe waa. Ani osusuɔ akɛ ŋkunyaayeli nifeemɔi amli ni mɔ ko kɛ ehe aaawo lɛ yeŋ lɛ awui ko? [Ŋmɛɛ gbɛ ni eha hetoo. No sɛɛ lɛ kanemɔ 5 Mose 18:10-12.] Sane ni yɔɔ biɛ lɛ tsɔɔ nɔ ni Biblia lɛ kɛɔ yɛ osharai ni yɔɔ mumɔi atsɛmɔ nifeemɔi ahe lɛ he.” Okɛ sane ni jeɔ shishi yɛ baafa 10 lɛ atsɔɔ lɛ.

Buu-Mɔɔ Aug. 1

“Bɔ ni afiteɔ kɔɔyɔŋ kɛ shikpɔŋ lɛ nɔ nibii ahaa lɛ haa mɛi pii ayiŋ feɔ amɛ kɔshikɔshi yɛ bɔ ni shikpɔŋ lɛ baaji aha wɔsɛɛ lɛ he. Te bo hu osusuɔ tɛŋŋ? [Ŋmɛɛ gbɛ ni eha hetoo. No sɛɛ lɛ kanemɔ Lala 37:11.] Wolo tɛtrɛɛ nɛɛ kɛ Ŋmalɛ naa yiŋtoi kɛha hiɛnɔkamɔ lɛ haa.”

Awake! Aug.

“Mɛi babaoo heɔ yeɔ akɛ jeŋ ni yaa nɔ edɔɔ waa lɛ eha wala he eba oshara yɛ wɔshikpɔŋ lɛ nɔ. Te osusuɔ akɛ abaatsu naagba nɛɛ he nii aha tɛŋŋ? [Ŋmɛɛ gbɛ ni eha hetoo. No sɛɛ lɛ kanemɔ Yesaia 11:9.] Wolo tɛtrɛɛ nɛɛ tsɔɔ nɔ hewɔ ni wɔbaanyɛ wɔná nɔmimaa akɛ adesai baaya nɔ amɛhi shi yɛ shikpɔŋ nɛɛ nɔ lɛ mli.”