Nitsumɔi Kpakpai Ni Hiɛ Kpaŋ Nɔ

Yehowa webii lɛ ateŋ mɔ fɛɛ mɔ baanyɛ etsu nitsumɔi kpakpai ni hiɛ kpaŋ nɔ kɔkɔɔkɔ ehã lɛ. Bɔ ni fɔlɔ ko ni sumɔɔ ebii hiɛ kpaŋ nibii kpakpai ni amɛfeɔ lɛ anɔ lɛ, nakai nɔŋŋ Yehowa hu hiɛ kpaŋ wɔnitsumɔ lɛ kɛ suɔmɔ ni wɔjieɔ lɛ kpo yɛ egbɛ́i lɛ hewɔ lɛ nɔ. (Mat 6:20; Heb 6:10) Eji anɔkwale akɛ, esoro mɔ fɛɛ mɔ shihilɛ kɛ enyɛmɔ. Kɛ̃lɛ, kɛ́ wɔkɛ wɔnyɛmɔ fɛɛ sɔmɔ Yehowa lɛ, wɔmii baashɛ wɔhe. (Gal 6:4; Kol 3:23) Afii ni eho lɛ amli lɛ, nyɛmimɛi hii kɛ yei akpei abɔ eyasɔmɔ yɛ Betel. Ani obaanyɛ okɛ ohe ahã ni oyatsu nii yɛ Betel? Kɛji onyɛɛɛ nakai ofee lɛ, ani obaanyɛ owo mɔ ko hewalɛ ni efee nakai, loo oye obua Betelnyo ko koni eya nɔ esɔmɔ yɛ gbɛ krɛdɛɛ nɛɛ nɔ?

KWƐMƆ VIDIO NI JI, MƐNI OBAANYƐ OFEE KONI OYASƆMƆ YƐ BETEL? LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

• Mɛni esa akɛ etsirɛ mɔ ko ni eyasɔmɔ yɛ Betel?

• Mɛɛ jɔɔmɔi mɛi komɛi kɛɛ amɛná yɛ Betel ni amɛsɔmɔɔ yɛ lɛ hewɔ?

• Mɛɛ taomɔ nii esa akɛ mɔ ashɛ he koni enyɛ eyasɔmɔ yɛ Betel?

• Te ooofee tɛŋŋ oná gbɛbimɔ wolo kɛhã Betel sɔɔmɔ?