Okɛ Jw.Org Home Page Lɛ Atsu Nii Yɛ Shiɛmɔ Nitsumɔ Lɛ Mli

Akɛ saji kɛ vidioi ni afee koni mɛi ni yɔɔ tsui kpakpa lɛ anya he lɛ woɔ wɔwɛbsaiti lɛ home page lɛ loo he ni anaa klɛŋklɛŋ kɛ́ agbele jw.org lɛ. (Bɔf 13:48) Bei pii lɛ nibii ni akɛwoɔ jɛmɛ lɛ kɔɔ saji ni eba loo saji ni mɛi wieɔ he loo amɛsusuɔ he lɛ ahe.

Mɛɛ gbɛ nɔ obaanyɛ okɛ jw.org home page lɛ atsu nii yɛ shiɛmɔ nitsumɔ lɛ mli?

• Fɔɔ wɛbsaiti lɛ nɔ yaa. Kadimɔ saji ni akɛwo sane ni ji “Nibii Ni Akɛwo Nɔ” lɛ shishi lɛ, ni osusu bɔ ni obaafee okɛye obua mɔ ko ni yɔɔ wiemɔ lɛ he miishɛɛ lɛ he. (Kɛ́ ootao nibii ni nyɛsɛɛ nɛɛ akɛwo home page lɛ, klikimɔ “Kanemɔ Sane Nɛɛ.”) Kɛ́ ofɔɔ wɛbsaiti lɛ nɔ yaa lɛ, obaaná saji hei ni obaanyɛ okɛtsu nii yɛ shiɛmɔ nitsumɔ lɛ mli.

• Okɛ saji kɛ vidioi ni akɛwo home page lɛ nɔ lɛ atsu nii kɛje sanegbaa shishi. Saji kɛ vidioi nɛɛ baanyɛ ahã ona nɔ ni ekolɛ mɛi ni yɔɔ oshikpɔŋkuku lɛ mli lɛ miisusu he.

• Okɛ home page lɛ atsɔɔ mɛi. Gbalamɔ mɔ lɛ jwɛŋmɔ kɛya saji pɔtɛi komɛi ni yɔɔ home page lɛ nɔ lɛ anɔ, ni otsɔɔ lɛ bɔ ni ebaafee ena saji yɛ wɛbsaiti lɛ nɔ.

• Sɛndimɔ mɛi wɛbsaiti lɛ he link. Mɛi komɛi sumɔɔɔ ni amɛkɛ wɔ wieɔ shi amɛbaasumɔ ni amɛya wɔwɛbsaiti lɛ nɔ. Hewɔ lɛ, kaashashao shi akɛ obaasɛndi mɛi ni yɔɔ wiemɔ lɛ he miishɛɛ lɛ home page lɛ he link loo sane pɔtɛɛ ko loo vidio ko ni akɛwo jɛmɛ lɛ he link.