Ná Hesai Pii Yɛ Shiɛmɔ Nitsumɔ Lɛ Mli​—Bɔ Ni Ataoɔ Saji Yɛ JW.ORG Lɛ Nɔ

NƆ HEWƆ NI EHE HIAA: Nibii Ni Wɔkɛtsuɔ Nii Kɛtsɔɔ Mɛi Nii lɛ ateŋ eko fɛɛ eko kɛ mɔ yaa jw.org lɛ nɔ. Anɔkwa, yiŋtoo titri hewɔ ni afee jw.org kaadi lɛ kɛ trati ni ji, Nɛgbɛ Wɔbaanyɛ Wɔná Hetoi Kɛhã Shihilɛ mli Sanebimɔi ni He Hiaa Waa lɛ Yɛ? lɛ ji, koni akɛgbala mɛi ajwɛŋmɔ kɛya wɔwɛbsaiti lɛ nɔ. Obaanyɛ otsɔ jw.org lɛ nɔ okɛ Nibii Ni Wɔkɛtsuɔ Nii Kɛtsɔɔ Mɛi Nii lɛ ateŋ eko amaje mɔ ko kɛtsɔ e-mail nɔ, loo okɛ ehe link amaje lɛ. Ni enɛ yeɔ ebuaa waa, titri lɛ, kɛ́ ooye mɔ ko ni wieɔ wiemɔ kroko odase. Agbɛnɛ hu, mɔ ko baanyɛ abi sane ko ni hetoo lɛ bɛ Nibii Ni Wɔkɛtsuɔ Nii Kɛtsɔɔ Mɛi Nii lɛ ateŋ eko mli. Kɛ́ wɔle bɔ ni ataoɔ saji yɛ wɛbsaiti lɛ nɔ lɛ, ebaahã wɔshiɛmɔ nitsumɔ lɛ amɔ shi waa.

BƆ NI OBAAFEE LƐ OHÃ:

• 

  Okɛ fã ni ji “BIBLIA TSƆƆMƆI” lɛ atsu nii. Kɛ́ ooshiɛ oohã fɔlɔ ko ni miitao ele nibii pii yɛ gbekɛbii atsɔsemɔ he lɛ, yaa fã ni ji BIBLIA TSƆƆMƆI ni okliki GBALASHIHILƐ KƐ WEKU.

• Okɛ fã ni ji “WOJI KƐ NIBII” lɛ atsu nii. Kɛ́ ooye odase yɛ skul be ni onyiɛɛɛ shiɛmɔ nɔ, ni ootao okɛ oklasbii lɛ ateŋ mɔ ko asusu nɔ ko he yɛ broshuɔ ni ji, Saji 10 ni Oblahii kɛ Oblayei Biɔ lɛ Ahetoo lɛ mli lɛ, yaa fã ni ji WOJI KƐ NIBII ni okliki WOJI KƐ WOJI BIBII.

• Okɛ fã ni ji “WƆHE SAJI” lɛ atsu nii. Kɛ́ ooye mɔ ko ni okɛtsuɔ nii odase, ni eetao ekane nɔ ko fioo yɛ nibii ni wɔheɔ wɔyeɔ lɛ ahe lɛ, yaa fã ni ji WƆHE SAJI ni okliki SAJI NI MƐI FƆƆ BIMƆ.

KWƐMƆ VIDIO NI JI, BƆ NI ATAOƆ SAJI YƐ JW.ORG LƐ NƆ LƐ, KONI NO SƐƐ LƐ OKWƐ HE NI OBAAYA YƐ WƐBSAITI LƐ NƆ KONI OYE OBUA:

• mɔ ko ni heee eyeee akɛ Nyɔŋmɔ yɛ

• mɔ ko ni oshãra ko ba enɔ etsɛko

• nyɛmi ko ni ekpa shiɛmɔ yaa

• mɔ ko ni oku osɛɛ oyasara lɛ ni ebi bo bɔ ni afeɔ anáa shika kɛfĩɔ wɔnitsumɔ lɛ sɛɛ

• mɔ ko ni jɛ maŋ kroko nɔ ni miitao eya asafoŋ kpee yɛ emaŋ lɛ mli