Endé sé étidian’w lan pou yo vini adan sé réyinion-an

Sé réyinion lasanblé-a sé an bagay ki potalan menm, adan vré ladorasion-an (Sm 22:22). Tout sé moun-lan ki ka sanblé pou adoré Jéova ka tiré di sa anpil dibien épi lajwa (Sm 65:4). Pou vré, sé étidian Labib-la ka vansé pli vit lè yo ka asisté sé réyinion-an tout lè.

Kisa ou pé fè pou endé an étidian Labib vini réyinion ? Pa sispann envité’y. Montré’y vidéwo-a Kisa ki ka pasé andidan an Sal di Wayòm ? Montré’y ki dibien i pé trapé (lff lison 10). Ou sé pé palé épi’y di an bagay ou aprann adan an réyinion ouben bagay yo kay étidié adan lé jou-a ka vini an. Ba’y sé piblikasion-an i ni bizwen ouben montré’y oti ki ni « Réunions » asou JW Library. Pwopozé endé’y. Kontèl, ès i té ké ni bizwen yo mennen’y ? Apré ou fè tousa, sonjé lajwa ki ké ta’w lè ou kay wè étidian’w lan asisté réyinion pou prèmié fwa ! (1Ko 14:24, 25).

GADÉ VIDÉWO-A ANNOU ENDÉ SÉ ÉTIDIAN LABIB-NOU AN VINI RÉYINION, APRÉ RÉPONN SÉ KÈSION-TALA :

• 

  Ki lokazion Nita pwofité pou envité Jad adan an réyinion lasanblé-a ?

• 

  Poutji sé lajwa pou nou lè an étidian ka vini réyinion ?

• 

  Kisa Jad konstaté li menm prèmié fwa i vini réyinion ?