VINI PLI FILÉ ADAN MINISTÈ-A | PRÉCHÉ ÉPI PLIS LAJWA
Annou asèpté frè é sè-nou endé nou
Délè, Jéova ka sèvi « tout frè-nou », ki frè ki sè, pou endé nou (1 Pi 5:9). Yo pé endé nou janbé yonn-dé difikilté nou ka jwenn adan ministè-a. Kontèl, lapòt Pòl trapé an bèl pal obò Akilas, Prisil, Silas èk Timoté (Ak 18:1-5).
Ki manniè dòt pwoklamatè pé endé’w adan sèvis-ou ? Lè yo ka ba’w ti konsèy anlè manniè ou pé réponn pawòl négatif, anlè manniè pou fè lè’w ka viré wè an moun, ouben manniè pou pwopozé ouben mennen an létid Labib. Touvé adan lasanblé’w an pwoklamatè ki pé endé’w épi mandé’y. Zòt toulédé sa kay fè zòt dibien, é zòt toulédé kay ni plis lajwa (Fl 1:25).
GADÉ VIDÉWO-A POU RISANTI LAJWA FÈ DISIP, ANNOU ASÈPTÉ JÉOVA ENDÉ NOU : FRÈ É SÈ-NOU, APRÉ POZÉ SÉ KÈSION-TALA :
Kisa Nita fè pou ba Jad lanvi asisté an réyinion lasanblé-a ?
Poutji sé an bon bagay envité dòt pwoklamatè adan létid biblik-nou ?
Sé an lasanblé tout antiè ki ka fè an disip.
Ki kalté bagay Jad épi Abigayil té enmen toulédé ?
Ki kapasité dòt pwoklamatè pé endé’w trapé ?