Aprann sé étidian’w lan nouri kòyo èspiritièlman yo menm

Pou an étidian Labib trapé tou sa i ni bizwen èspiritièlman épi divini an krétjen ki mi, fòk i fè plis ki asèpté sa nou ka ba’y (Mt 5:3 ; Éb 5:12 – 6:2). Fòk sé étidian-an aprann osi nouri kòyo èspiritièlman yo menm.

Gran bonnè, montré sé étidian’w lan ki manniè yo pou paré létid-yo, épi ankourajé yo a fè sa (mwb18.03-F 6). Viré di yo lenpòwtans prédié chak lè yo koumansé pwòp létid-yo. Montré yo ki manniè pou touvé épi sèvi sé zouti élèktwonik-la pou étidié. Èsplitjé yo ki manniè yo pé suiv sé nouvoté-a anlè jw.org ouben JW Télédifizion. Piti-a-piti, aprann yo li Labib touléjou épi préparé sé réyinion lasanblé-a. Anfimizi, aprann yo chèché yo menm répons kèsion yo ka pozé kòyo. Endé yo médité anlè sa yo ka aprann.

GADÉ VIDÉWO-A ANNOU ENDÉ SÉ ÉTIDIAN LABIB-NOU AN NOURI KÒYO ÈSPIRITIÈLMAN, APRÉ RÉPONN SÉ KÈSION-TALA :

• 

  Ki manniè Nita fè Jad konprann étidié sé pa sèlman touvé répons ?

• 

  Kisa ki fè Jad fini pa konprann Jéova té ni rézon entèwdi tout mové konduit sèksièl ?

• 

  Kisa Jad konprann asou laméditasion ?