Ki manniè ou pé bien pwofité di sé lison-tala...
Étidié yo épi an ansénian : Mandé moun-lan ki ba’w bwochi-tala an létid Labib, ouben plen an dimann asou sit-la jw.org.
PRÈMIÉ MÒSO
Li chak paragraf. Kèsion ki an koulè (A) épi vèsé ki ékri an gra (B) ka montré lidé ki enpòwtan. Ni yonn-dé vèsé ki ni douvan yo :« li ».
DÉZIÈM MÒSO
Adan Annou pli lwen, sé prèmié fraz-la (C) ka èsplitjé sa lison-an kay palé, épi chak soutit (D) ka dévlopé an lidé enpòwtan. Li sé vèsé-a, réponn sé kèsion-an é gadé sé vidéwo-a (E).
Dékatiyé sé zimaj-la épi sé léjann-lan (F). Épi adan Ni moun ka di éséyé réponn sé kèsion-an (G).
TWAZIÈM MÒSO
Sa’w aprann épi An ti viré gadé (H) ka rézimé lison-an. Matjé ki dat ou fini lison-an. Sa man pou fè (I) ka ba’w an lòbjèktif pou atenn. Tibren plis ankò (J) ka envité’w li ouben gadé dòt bagay anplis.
Kouman ou pé touvé an pasaj Labib ?
Pou koumansé ou ni liv Labib-la (A), apré ou ni chapit-la (B), épi yonn ouben pliziè vèsé (C). Kontèl, pou Jan 17:3, fòk ou pran liv Jan, chapit 17, vèsé 3.