VI A ON KRÉTYEN
Jéova ka édé-nou lè nou ka jwenn éprèv
Pannan sé dènyé jou-lasa, nou ka jwenn onlo éprèv. É délè, yo pé ka sanm-nou two rèd a sipòté. Men si nou ka kontinyé rapwoché-nou dè Jéova, i ké édé-nou andiré-yotout, menm séla ki pli rèd la (Iz 43:2, 4). Alò kijan nou pé rapwoché-nou dè Jéova lè nou ka jwenn éprèv ?
Lapriyè. Lè nou ka wouvè tchè an nou ba Jéova, i ka trankilizé lèspri an nou é i ka ban-nou kouraj pou nou kenbé (Flp 4:6, 7 ; 1Ts 5:17).
Sé réinyon-la. Sé konnyéla nou plis bizwen nouriti èspirityèl é konpanni a frè é sè an nou kè Jéova ka ban-nou pannan réinyon an nou (Éb 10:24, 25). Lè nou ka préparé sé réinyon-la, kè nou ka vin réinyon, é kè nou ka pawtisipé adan yo, sa ka pèwmèt-nou pwofité anplen dè lèspri a Jéova (Rév 2:29).
Ministè-la. Sa ké pli fasil ban nou dè konsantré-nou asi dé biten pozitif si nou ka fè tousa nou pé pou rété byen okipé adan ministè-la. Sa ké pèwmèt-nou osi konsolidé lanmityé an nou èvè Jéova é èvè kolaboratè an nou (1Ko 3:5-10).
GADÉ VIDÉO-LA JÉOVA KÉ PRAN SWEN DÈ-W, APRÉSA RÉPONN A SÉ KÈSYON-LASA :
Ka ki édé Malu rété toupré Jéova pannan i té ka jwenn éprèv ?
Kon Malu, kijan sa ki maké an Sòm 34:18 ka rékonfòwté-nou lèwvwè nou ka jwenn éprèv ?
Kijan témwagnaj a Malu ka montré kè Jéova ka ban-nou « puisans-la ki ka dépasé sa ki nòwmal » lè nou anba éprèv ? (2Ko 4:7).