Sonjé sé lidé enpòwtan la

Délè lè nou ka étidyé, nou pé ni dimal a sonjé sa nou sòti vwè. Ès sa ja rivé-w ? Sa ka rivé noutout dè tanzantan. Men ka ki pé édé-w ? Sé si ou ka viré sonjé sé lidé enpòwtan la.

Toupannan ou ka étidyé, fè on pòz dè tanzantan pou maké sé lidé-la ki pi enpòwtan la. Sé sa lapòt Pòl té ka ankourajé sé frè é sè la fè lèwvwè yo té ka étidyé lèt a-y. Mi sa i maké : « Mi lidé enpòwtan la » (Ébr. 8:1). Lèwvwè i té ka di sa, i té ka édé-yo konprann ka i té vé di pa la é i té ka édé-yo lyanné sé diféran biten-la i di la.

Lèwvwè ou fin étidyé, ou pé pran 10 minit pou sonjé sé lidé enpòwtan la ou étidyé la. Si ou pa gè ka sonjé sé lidé enpòwtan la, gadé sé soutit-la oben li prèmyé fraz a chak sé paragraf-la pou édé-w sonjé sé lidé enpòwtan la. Si ou aprann on nouvo biten, éséyé èspliké-y èvè mo a-w ki ta-w. Si ou ka viré sonjé sa ou sòti aprann, ou ké rivé woutyenn sé lidé enpòwtan la pi fasilman. Anplisdisa, ou ké konprann plibyen kijan sa ou aprann pé itil adan vi a-w.