VI A ON KRÉTYEN
Yo ka travay rèd ban nou
Sé rèsponsab a siwkonskripsyon la é madanm a yo ka manifèsté on lanmou ki pa ka atann ayen an rètou pou sé frè é sè la. Kon noutout, yo pé bizwen sèwten biten, é délè sa pé rivé kè yo santi-yo las, dékourajé é angwasé (Jk 5:17). Magrésa, chak simenn, yo ka konsantré-yo asi kijan yo pé ankourajé frè é sè a lasanblé-la yo ka vizité la. Sé rèsponsab a siwkonskripsyon la vréman « mérité 2 fwa plis lonnè » (1Tm 5:17).
Lè lapòt Pòl prévwa vizité lasanblé a Wòm pou ba-yo « on kado ki ka vin dè Bondyé », i té présé vwè frè é sè a-y « pou yonn ankourajé lòt » (Wom 1:11, 12). Ès ou ja réfléchi asi kijan ou pé ankourajé rèsponsab a siwkonskripsyon a-w, èvè madanm a-y si i mayé ?
GADÉ VIDÉO-LA KIJAN SA KA PASÉ POU ON RÈSPONSAB A SIWKONSKRIPSYON KI KA VIZITÉ DÉ LASANBLÉ KI KA TOUVÉ-YO LAKANPAGN, APRÉSA RÉPONN A SÉ KÈSYON-LASA :
Kijan sé rèsponsab a siwkonskripsyon la é madanm a yo ka montré sé lasanblé-la on lanmou ki pa ka atann ayen an rètou ?
Ki byenfé éfò a yo ka pwokiré-w pèwsonèlman ?
Kijan nou pé ankourajé-yo ?