Kontinyé li Labib touléjou

Ké tousa to gen pou fè, ès to ka briga pou to li to labib touléjou ? (Jos. 1:8). Si a sa, éséyé fè roun di sa bagaj-ya :

• Mété roun alarm. Mété roun alarm asou to téléfonn pou fè to sonjé ki to gen pou to li to labib.

• Mété to labib roun koté to pouvé wè l’. Si a roun labib papyé to ka li, mété l’ roun koté to ké wè l’ touléjou (Deut. 11:18).

• Kouté Labib. Kouté yé li Labib toupannan to ka fè sa to gen labitid fè touléjou. Tara, roun manman ki pyonyé é ki ka travay lannwit, ka di : « Mo ka kouté Labib toupannan mo ka nétwayé mo kaz. A konsa mo ka rivé li Labib touléjou. »

• Pa lagé. Si i gen roun bagaj ka anpéché to li to labib lò to té désidé fè l’, éséyé li déztrwa vèrsé anvan to alé dronmi. Menmsi a déztrwa vèrsé rounso to ka li touléjou, i bon (1 Pierre 2:2).