Kisa ou ka pansé di Labib-a ?

SA LABIB-A KA DI

« Tousa ki marké annan Ékritir-a enspiré di Bondjé » (2 Timothée 3:16, Traduction du monde nouveau).

SANS SA POUVÉ GEN POU OU

I ka réponn késyon enpòrtan di lavi-a (Proverbes 2:1-5),

I ka gidé nou touléjou annan nou lavi (Psaume 119:105),

I ka bay nou éspwar pou nou avénir (Romains 15:4).

ÈS NOU VRÉMAN POUVÉ KRÈ SA LABIB-A KA DI ?

Wi, pou omwens trwa rézon :

• So bèl larmoni. Labib-a té ékri pannan 1 600 lannen gras a 40 moun diféran. Sèrten annan yé, pa té jen wè sé lézòt-ya. Mé, sa ki ka fè di Labib-a roun liv ki gen larmoni annan l’, a ki i ka palé di roun sèl sijé enpòrtan !

• So istwè onèt. Souvan sé moun ki ka ékri istwè di yé nasyon ka séré sa lò yé ka pédi lagèr. Mé sé moun ki ékri Labib-a, té ka roukonnèt yépa fot ké sa di yé nasyon (2 Chroniques 36:15, 16 ; Psaume 51:1-4).

• Profési ki annan l’ vré. 200 lannen a lavans Labib té anonsé ki vil Babilòn-an té ké détrwi (Isaïe 13:17-22). Anplis di bay manniyè Babilòn té ké détrwi, i té anonsé osi non moun-an ki té ké fè l’ ! (Isaïe 45:1-3).

  I gen bokou ròt profési annan Labib-a ki ja akonpli annan tout ti détay. Mé ès a pa sa nou divèt antann di Paròl Bondjé-a ? (2 Pierre 1:21).