Rouwè lidé-ya ki pi enpòrtan

Ès sa ja rivé to bliyé sa to fin anprann ? Sa ka rivé nou tout. Kisa to pouvé fè pou sa ? Rouwè lidé-ya ki pi enpòrtan.

Lò to ka étidyé, tanzantan, pran tan réfléchi asou lidé-ya ki pi enpòrtan. A sa apot Pòl ankourajé sa-ya ki té ké li so lèt fè lò i ékri : « Men sa ki pi enpòrtan » (Héb. 8:1). Lò i di sa, i idé yé konprann sa i té lé di épi konprann kouman tout lidé-ya té k’alé ansanm.

Chak fwa to fin étidyé, to pouvé pran roun tibi tan, parèkzanp, apéprè dis minit, pou to réfléchi asou bagaj to anprann ki enpòrtan. Si to pa ka rivé sonjé yé, gadé entèrtit-ya ké prémyé fraz chak paragraf-ya. Si to anprann roun bagaj to pa té konnèt, éséyé èspliké l’ san to gadé sa ki marké. Lò to ka sonjé lidé-ya ki pi enpòrtan, sa pi fasil pou sa bagaj-ya rété annan to tèt. É anplis di sa, to ké wè pi byen kouman sa pouvé idé to annan to lavi.