Bukin Tera Bwa Ko Riai n Reiakina te Baibara?

Te Baibara bon te boki ae rangi n taabangaki n te aonnaba. Bukin tera? Bukina teuana, e kai oota te aba ni kanoana. Iai i nanona rongorongoni maiuia aomata ae koaua ma aroia n reitaki i marenaia n ikotaki naba ma te Atua. A reke reirei aika manena n rongorongo aikai ao a kamanenaaki taeka aika bebete ao a kaineti raoi ma te bwai ae nanonaki are e kona n rairaki nakon taetae aika bubua ma bubua mwaitiia ike a a kona n ota iai aomata n taabo nako ke n taai ake a maiu iai. Ao a manena booto n reirei man te Baibara n taai nako.

Ma ae kakawaki riki, e taekinaki n te Baibara bwa tiaki te boki tii ibukin taekan te Atua ma e bon nako naba mairouna. E kaotaki iai aran te Atua, aroarona, ao ana kantaninga ae aki kona ni bitaki ibukini karikan te aonnaba ma aomata. E taekinaki naba iai te kabokorakora ma rimoa ni kakaraoan ae raoiroi ma ae buakaka ao bon te karaki ae rangi n anainano ma ni kakukurei motikana. Ngaia are e karekea aan te onimaki ao te kantaninga warekan te Baibara n akea iangoani koaua ake a bwabwainaki ngkoa.

Ti nori rongorongo n te Baibara aika a aki kona n noraki ni booki riki tabeua. N te katoto, ti tuangaki te koaua ibukin aeka n reirei n aron aikai man te Baibara:

• Ti roko mai ia ao bukin tera bwa ti karawawataaki

• Te bwai ae karaoia te Atua ibukini kamaiuaia botannaomata

• Te bwai ae e a tia ni karaoia Iesu ibukira

• Te bwai ae na riki nakon te aonnaba ao aomata n taai aika a na roko

E aera ko aki tii nori moa iteraniba aika imwina ao ni karekea am iango ibukin te rongorongo ae n te Baibara?