Ko a Tauraoi n Rikin te Aoraki ae Karina?
E kona ni karina n riki te aoraki n akea ataakina. (Iak. 4:14) Ma e katauraoia n aron ana kona te aomata ae nanowanawana. (TaeRab. 22:3) Ko a tia n iaiangoia bwa baikara bwainnaoraki ao aaro ni bwainnaoraki ake ko na butimwaei, ao ni korea mwin am motinnano iai? E a tia ni karaoaki te birim ae Transfusion-Alternative Health Care—Meeting Patient Needs and Rights, ae te kauoua ni mwakoro n te DVD ae atunaki n Transfusion-Alternatives—Documentary Series ibukini buokam. Ngkana ko mataku n te birim aio, ao noria ngkana ko kona ni kaekai titiraki aika i nano. Ibukina bwa iai taamneini korokoro aika karaoaki iai, a riai ngkanne kaaro n tararuaia ataei ngkana a mataku iai.
(1) Bukin tera bwa iai taani kuakua tabeman ake a manga tuoa riki bonganan te karinraraa? (2) Anga tenua katotoni korokoro aika kona ni karaoaki n akea te karinraraa. (3) Bukin tera bwa iai nga ma nga taokita ao taani korokoro ni katobibia te aonnaba, aika kaota nanoia ni kani bwainnaorakia aoraki n akea te karinraraa? (4) Tera ae e oti imwin te kakaae man te onnaoraki ibukini kabonganaan te karinraraa? (5) Baikara karuanikai nakoni marurungin rabwatara aika irekereke ma te karinraraa? (6) Tera ae a kakoauaa taokita aika mwaatai imwin aia kakaae, ni kaineti ma kakabwaia ni bwainnaoraki aika onea mwin te karinraraa? (7) Tera ae karika te aoraki ae te akea n raraa, ao tera ae kona ni karaoaki ibukini buokan te aoraki anne? (8) E na kanga ni buokaki rabwatan te aoraki bwa e na karikii taian red-cell? (9) Baikara aanga aika kakabonganaaki ibukini kauarerekean tiinakon te raraa n tain te korokoro? (10) A kona n uaana bwainnaoraki aika onea mwin te karinraraa nakoia ataei, ke aomata ake a karina ni kaaitara ma kabuanibwai aika kakaiaki? (11) Tera te kaetieti teuana ae moan te kakawaki ni kaineti ma te bwainnaoraki ae riai?
Kioina ngkai a bati bwainnaoraki aika aki tauraoi n am tabo aika kabwarabwaraaki n te birim aei, ko bae ni motinnanoia bwa ko na teimatoa ni kakaonimaki ngkana ko reitaki ma taokita ni karekean te bwainnaoraki ae tauraoi. E na buokiko ni karaoa am motinnano ae nakoraoi, rinanoan te boki ae ‘Tangiraki Iroun te Atua,’ mwakoro 7 ao te bukinibaa n iteraniba 246-249. Ngkana ko a tia ni bwabetitoaki, kakoauaa raoi bwa ko na kanoaa ao n uouota n taai nako te booma ae Advance Medical Directive. Ko riai ni kanoaa te booma anne teuana n te ririki, ao ni kanoaa ae raka i aon teuana ngkana e kainnanoaki. Taraia raoi bwa ko na kaongoia unimwaane n te ekaretia n te tai ae waekoa ngkana ko nang karinaki n te onnaoraki, bwa a aonga ni buokiko.
[Kabwarabwaraan n iteraniba 3]
Ko uouota te booma ae te Advance Medical Directive ae e a tia ni kanoaaki bwa ko aonga n tauraoi n rikin te kabuanibwai ae karina?