Young People Ask ​—How Can I Make Real Friends?

E karikiia aomata Iehova bwa a na uaia n reitaki ao n iraorao i marenaia. (TaeRab. 17:17; 18:1, 24) Ngkana ti kani kakabwaiaaki n ara iraorao ma tabemwaang, ti riai n rineiia raoi raoraora. (TaeRab. 13:20) Imwini matakuakinan te birim ae Young People Ask​—How Can I Make Real Friends?, ko kona ni kaekai titiraki aikai?

Te Moantaeka:

(1) Antai te rao ni koaua?

Bwaai n Tutuki Nakon te Iraorao:

(2) Ko na kanga n tokanikai i aon namakinan ae ko aki tabeakinaki? (IBir. 2:4) (3) Bukin tera bwa ti riai ni kanakoraoa riki aroarora, ao antai ae e kona ni buokira ni karaoa anne? (2Kor. 13:11) (4) Tera te anga ae ti kona iai ni karekeia riki raoraora?​—2Kor. 6:13.

Te Iraorao ma te Atua:

(5) Ti na kanga ni karikirakea ara iraorao ae kaan ma Iehova, ao bukin tera bwa e rangi ni manena karaoan aei? (TaiAre. 34:8) (6) Ngkana e riki Iehova bwa raoraora ni koaua, tera te kakabwaia ae ti kona ni karekea n ara iraorao ma aomata?

Raao Aika Bubuaka:

(7) Antai raao aika bubuaka? (1Kor. 15:33) (8) A na kanga raao aika bubuaka n urua ara iraorao ma Iehova?

Te Kaotioti ae Manena Ibukira ni Boong Aikai:

(9) Tera reireiara man rongorongon Rina ae taekinaki n te Baibara? (KBwaai 34:1, 2, 7, 19) (10) E kanga Tara n iangoia bwa e nakoraoi ana iraorao ma rooro n rikirake aika tiaki kaain te onimaki? (11) Baikara kangaanga ake e a reketaati iai Tara mairouia raoraona n te reirei? (12) Bukin tera bwa ana karo Tara a aki nora te kangaanga are e a reke iai natiia, ma tera aroia ni buoka natiia bwa e na manga kanakoraoa ana iraorao ma Iehova ngke a a ataa raoi ana kangaanga? (13) E kanga te tari te aine ae te bwaiania n riki bwa te rao ni koaua nakon Tara? (14) Tera te kaokoro are e a noria Tara?

Motikana:

(15) Baikara reireiam aika reke man te birim aei? (16) Ko na kanga ni kabongana te birim aei ni buokiia iai aomata?

Ti bia rineia raoraora aika a na buokira ni kateimatoa ara iraorao ae rangi ni kakawaki, ae ara iraorao ma te Atua!​—TaiAre. 15:1, 4; Ita. 41:8.