Aroni Kabwarabwaraan te Maekatin

Kabwarabwaraan te Mwakuri ae Okoro ae Kaoaia Aomata Nakon te Kauring

“Ti tibwaa te beeba ni kakao aei ibukin te botaki ae rangi ni kakawaki. N Eberi 14, a na botaki aomata aika mirion ma mirion ni katobibia te aonnaba ni kauringa maten Iesu Kristo ao n ongoraea te kabwarabwara man te Baibara ni kaineti ma aroni kakabwaiaara ni maten Iesu. E kaotaki n te beeba ni kakao aei te tabo ao te tai ibukin te botaki ae e na karaoaki n ara tabo.”

Te Taua-n-Tantani Eberi 1

“Ti kawariko n te tai aei ni maroroakina te bwai teuana ae a katiteuanaaki iai angiia aomata. A tatataro angiia aomata ni kaineti ma aia Aro. N am iango a ongoraeaki tataro akanne iroun te Atua, ke ko iangoia bwa bon tii buokara n ara kangaanga? [Kariaia te kaeka.] Nora ae taekinaki n te Baibara ibukin te tataro. [Wareka 1Ioa. 5:14.] E kabwarabwaraaki n te maekatin aei aron te tataro ni kakabwaiaira.”