Bwaai n Ibuobuoki Ibukin Te Boki n Reirei ae Maiura ao Ara Mwakuri ni Minita
OKITOBWA 14-20
BAIKA KAKAWAKI AIKA MENA N ANA TAEKA TE ATUA | 1 BETERO 7-8
it-2 565 ¶3
Te Mataniwi
Te Mataniwi ae Moan te Rietata. E mwaneweaki n te moan Betero 2:25 kanoan Itaia 53:6 ibukia te koraki ake a “tiotionako n aroia tiibu” ngkoa, ao imwina e kangai Betero: “Ma kam a okira ngkai te tia kawakintiibu ae te mataniwi i aoni maiumi.” E kaineti aei nakon Iehova ae te Atua, kioina ngkai naake e koroboki Betero nakoia a bon aki tiotionako mairouni Kristo Iesu, ma rinanon Iesu a a okira Iehova ae te Atua ae te tia Kawakinia ana aomata ae moan te Kakannato. (TA 23:1; 80:1; Ier 23:3; Etk 34:12) Bon te mataniwi naba Iehova ae tutuoia ana aomata. (TA 17:3) Te tutuo (Gr., e·pi·sko·peʹ) e kona n irekereke ma ana motikitaeka ae matoatoa te Atua, n aron are karaoaki nakon Ierutarem n te moan tienture C.E., are kaain te kaawa arei a aki ataa te tai are a na “tuoaki iai [Gr., e·pi·sko·pesʹ].” (Rk 19:44) Ke a kona n reke n te tutuo baika raraoi ao kakabwaia, n aron are a reke irouia naake a neboa te Atua n ana bong “n tutuo [Gr., e·pi·sko·pesʹ].”—1Be 2:12.
OKITOBWA 21-27
BAIKA KAKAWAKI AIKA MENA N ANA TAEKA TE ATUA | 1 BETERO 3-5
w99 15/4 22 ¶3
Aron Ataakini Mamaaran te Onimaki ao te Tokanikai Iai
Ni kabaneana, teimatoa n uringa ana kaungaunga ae tatangira te abotoro Betero aei: “E a kaan tokini bwaai ni kabane. Mangaia ae kam na bwaina te iangoraoi ao kamarurungingkami n tatataro. Ma ae moamoa riki, kam na kakorakoraa te itangitangiri i marenami, ibukina bwa e rabuni buure aika rangi ni bati te tangira.” (1 Betero 4:7, 8) Moan te bebete iroura bwa ti na kariaia aki kororaoia aomata ao boni ngaira naba, bwa a na rin i nanora ao ara iango ao n riki bwa kangaanga ao bwaai ni kabwakabwaka nakoira. E atai raoi Tatan mamaaraia aomata aei. Teuana mai buakon ana bwai n nanowanawana boni karekean te iraraure ao te buaka. Ngaia are ti riai ni waekoa n rabuni buure akanne n te tangira ni koaua i marenara ao ti na aki “kakatokaa boran te Riaboro.”—I-Ebeto 4:25-27.