Bwaai n Ibuobuoki Ibukin te Boki n Reirei ae Maiura ao Ara Mwakuri ni Minita
NOBEMBWA 4-10
BAIKA KAKAWAKI AIKA MENA N ANA TAEKA TE ATUA | 1 IOANE 1-5
it-1 862 ¶5
Kabwaraan te bure
Ti bon riai n tataro ibukia tabemwaang bwa a na kabwaraaki aia bure iroun te Atua, ao ibukia naba kaain te ekaretia ni kabane. E karaoa anne Mote ibukin te natannaomata ae Iteraera, n arona ni kaotii aia bure ao ni bubutii bwa a na kabwaraaki, ao e bon ongo Iehova. (WI 14:19, 20) E tataro naba Toromon ni katabuan te tembora bwa e na kabwarai aia bure ana aomata Iehova ngkana a bure ao ni manga kitan aroia akanne. (1Ue 8:30, 33-40, 46-52) E karaoa naba anne Etira ngke e kaotii aia bure I-Iutaia ake a okiri abaia. E uaana ana tataro mai nanona ao ana kaungaunga bwa a karaoi bitaki nakanne ibukini karekeani kabwaraan aia bure iroun Iehova. (Etr 9:13–10:4, 10-19, 44) E kaungaa te aomata ae mamaara n te onimaki Iakobo bwa e na weteiia unimwaanen te ekaretia bwa a na tataro ibukina, ao “ngkana e a tia ni karaoa ae bure ao e na kabwaraaki ana bure.” (Iak 5:14-16) Ma iai “te bure ae karekea te mate,” ae te bure nakon te taamnei ae raoiroi, ae te bure ae karaoaki n oin nanon te aomata, ae akea kabwaraan te bure iai. E aki riai te Kristian n tataro ibukia naake a karaoa te bure aei.—1Io 5:16; Mt 12:31; Ebr 10:26, 27; nora SIN, I; SPIRIT.
NOBEMBWA 11-17
Ukerani Kaubwai n Taamnei Aika Kakawaki
it-2 279
Botaki n Itangitangiri
E aki kabwarabwaraaki n te Baibara taekani botaki n itangitangiri aikai ao e aki naba kaotaki iai bwa n ningai ae a kakaraoaki iai. (Iu 12) E aki anga ana kaetieti ibukini botaki aikai te Uea ae Iesu Kristo ma ana abotoro ao a aki riai n iangoaki bwa botaki aika riai ni kakaraoaki. A taku tabemwaang bwa bon aia baka n amwarake Kristian aika kaubwai ake a kaoia iai raoia n te onimaki aika maiu ni kainnano. A kaai n amwarake n te taibora ae rangi ni bati iai te amwarake ataei aika akea tamaia, aine ake a a tia ni mate buuia, naake a kaubwai ao aika aki bati ni kaubwai, ma te nano n itangitangiri.
it-2 816
Te Rakai
Te taeka ni Kuriiti riki teuana ae spi·lasʹ, n taraana e kaineti ma te bwaa ke te rakai ae raba i taari. E kamanena Iuta te taeka aei ni kabwarabwaraia iai mwaane ake a karaba n rin n te ekaretia ni Kristian ma aia iango aika bubuaka. N aron te rakai ae raba i taari ae a kona n ruanikai iai kaibuke, ao ai aroia naba mwaane aikai bwa a karuanikai nakoia tabemwaang n te ekaretia. E taku Iuta ibukia naakai: “Te koraki aei kaanga ai aron te rakai ngaiia ae raba i taari ngke a amwarake ma ngkami n ami botaki n itangitangiri.”—Iu 12.
NOBEMBWA 25–RITEMBWA 1
Ukerani Kaubwai n Taamnei Aika Kakawaki
re 76-77 ¶8
Mimitongin Ana Kaintokanuea Iehova i Karawa
8 E ataia Ioane bwa a rineaki ibonga bwa a na beku n te umwanrianna ae tabu rimoa. Ngaia are e bae ni mimi ngke e nora te bwai ae e kabwarabwaraa imwina: “E otabwaniniaki te kaintokanuea arei ni kaintokanuea aika 24, ao I noriia unimwaane aika 24 aika kunnikaiaki ni kunnikai aika mainaina, n tekateka i aoni kaintokanuea aikai, ao a toka baunuea aika koora i aon atuia.” (Te Kaotioti 4:4) Eng, ai tiaki ibonga ma ai unimwaane aika 24 aika tekateka i aoni kaintokanuea ma aia baunuea n aroia ueea. Ma antai unimwaane aikai? Bon naake a kabiraki mai buakoia kaain te ekaretia ni Kristian, ake a kautaki ao ni karaoa mwiokoaia i karawa are e beritanna Iehova nakoia. Ti kangaa n ataa anne?
re 80 ¶19
Mimitongin Ana Kaintokanuea Iehova i Karawa
19 A tei ibukin tera baika maiu aikai? Ti buokaki n ataa kaekaan aei n ana miitara te burabeti ae Etekiera. E nora Iehova Etekiera bwa e tekateka i aon te kaa ni buaka i karawa ao raona baika maiu aika titeboo kabwarabwaraaia ma ake e taekin Ioane. (Etekiera 1:5-11, 22-28) Imwina ao Etekiera e a manga nora te kaa ni buaka anne ma baika maiu. Ma n te tai aei, e a taekinia baika maiu aikai bwa kerubim. (Etekiera 10:9-15) A boni bae n tei baika maiu aikai ibukia ana kerubim te Atua aika bati ake anera aika rietata nakoaia n Ana botaki i karawa. E na bon aki mimi Ioane ngkai e noriia kerubim aika rangi ni kaan ma Iehova, kioina ngkai n te umwanrianna ae tabu rimoa, a mena uoman kerubim aika koora i aoni matan te ati ni berita, ae tei ibukin ana kaintokanuea Iehova. E otinako bwanaan Iehova mai marenani kerubim aikai n anganga tuua nakon te natannaomata.—Te Otinako 25:22; Taian Areru 80:1.
cf 36 ¶5-6
‘Noria! Te Raian Man te Baronga Are Iuta’
5 N angiin te tai e kairekerekeaki te raian ma te ninikoria. Ko a tia ni kaitiboo ma te raian te mwaane ae e a ikawai? Ngkana ko a tia, e boni bae n iai te oo i marenami n te tabo ni man anne ae ko mano iai. Ma e ngae n anne, e boni kakamaaku naba. Ngkana ko taraa matan te man ae bubura ao ni korakora aei, ao e katokai matana n taraiko, ko bon aki kona n iangoia bwa e na birinako te raian bwa e maaka te bwai teuana. E taekinaki n te Baibara bwa “te raian ae te kabanea ni korakora i buakoia maan, . . . e aki kona ni mumun rikaaki mai mwain te aomata temanna.” (Taeka N Rabakau 30:30) Bon anne raoi aron ninikorian Kristo.
6 Ti na rinanoi ngkai aron Iesu ni kaotiota te ninikoria n aron te raian n aanga aika tenua: teina ibukin te koaua, boutokaan te kaetitaeka ae riai, ao arona nakon te kakaaitara. Ti na noria naba bwa ti boni bane ni kona ni katotonga Iesu ni kaotiota te ninikoria, e ngae naba ngkana ti ninikoria ke ti aki.