MWAKORO 3
Te Kamaiuaki Mai Aikubita ni Karokoa te Moan Uea i Iteraera
E kairiia I-Iteraera Mote man te tautoronaki i Aikubita nakon te Maunga are Tinai, ike a a anganaki iai tuua iroun te Atua. Imwina riki, ao e a kanakoia 12 mwaane Mote bwa a na tuoa te aba ae Kanaan. Ma a oki rikaaki 10 mai buakoia ma te rongorongo ae buakaka. A a kauekea iai te manga kan oki rikaaki nako Aikubita irouia aomata. E katuuaia tibun Iteraera te Atua ibukin akean aia onimaki, ni kaririannaia n te rereua i nanon 40 te ririki.
N tokina ao e a rineaki Iotua bwa e na kairiia tibun Iteraera nakon te aba ae Kanaan. E karaoa te kakai Iehova ibukin buokaia bwa a na taua te aba. E kaoraa ranin te Karaanga ae te Ioretan ni katoka raanganakona, e kabwakaa oon Ieriko, ao e katea taai bwa e na aki buti i karawa i nanon teuana te bong. Imwin onoua te ririki, ao e a anaaki te aba mairouia kaain Kanaan.
Ni moa mairoun Iotua, a tautaekanaki tibun Iteraera irouia taani moti i nanon 356 te ririki. Ti reiakina taekaia aomata aika bati mai buakoia, n aron Baraka, Kiteon, Iebeta, Tamton ao Tamuera. Ti wareka naba taekaia aine n aron Raaba, Tebora, Iaera, Ruta, Naomi ao Terira. Rongorongon rimoa aikai aika a karakinaki ni Mwakoro TENUA, a riki i nanon 396 te ririki.