Baikara Kakabwaia Aika Katauraoaki Ibukia te Koraki Ake A Ongeaba Iroun te Atua?

A na kautaki nakon te maiu i aon te aba angiia ake a a tia ni mate. Mwakuri 24:15

Iangoi kakabwaia nakon taai aika a na roko ake a na reke iroum ngkana ko ongeaba iroun Iehova! Ko na marurung raoi, e nang toki te aoraki ao te mwauku. A nang akea aomata aika buakaka, ao ko nang onimakinia aomata ni kabane.

E nang toki te maraki, te nanokawaki ke te tang. Akea te kara ao te mate.

Ko na otabwaniniaki irouia raoraom ao am utu. E na rangi ni kakukurei te maiu n te Bwaretaiti.

E na toki te maaku. A na rangi ni kukurei aomata.

E na katoki rawawata ni kabane Ana Tautaeka n Uea te Atua. Te Kaotioti 21:3, 4