MOANAKIN TE MARORO
REIREI 6
Te Aki Mamaaku
Te boto n reirei: “Ti a kaninikoriaaki iroun Atuara bwa ti na tataekina nakoimi ana rongorongo ae raoiroi.”—1Tet. 2:2.
Te Baere E Karaoia Iesu
1. Mataku n te TAAMNEI, ke wareka Ruka 19:1-7. Imwina ao nori titiraki aikai:
Bukin tera ngkai tabeman aomata a riribaa Takaio?
Tera are e kaira Iesu bwa e na tibwaa te rongorongo ae raoiroi nakoina?
Tera Reireiara Mairoun Iesu?
2. Ti riai n aki mamaaku ngkana ti na tataekina te Tautaeka n Uea nakoia aomata ni kabane.
Kakairi Iroun Iesu
3. Onimakina Iehova. E kakorakoraaki Iesu n uarongorongo n taamnein te Atua, ao e kona naba ni kakorakorako. (Mat. 10:19, 20; Ruka 4:18) Bubutiia Iehova bwa ko na aki maaku n uarongorongo nakoia te koraki ake ko mamaakuia.—Mwa. 4:29.
4. Tai moantaai ni motiki taekaia aomata. Ti kona n tabwara ni kawariia aomata tabeman ibukin aron teia, kinaakia ke kaubwaia, maiuia ke aia koaua n aia Aaro. Ma uringnga:
E kona Iehova ao Iesu n nori naano, ma ngaira ti aki.
Ti aki riai n iangoia ae e aki kona ni buokaki temanna iroun Iehova.
5. Tai mamaaku ma bwaina naba te karinerine ao te taratara raoi. (Mat. 10:16) Tai kauntaeka. Katoka te maroro ma te akoi ngkana e aki kan ongora te aomata nakon te rongorongo ae raoiroi ke ngkana ko namakinna bwa ko nang ruanikai.—TaeRab. 17:14.