TE MANGA OKI
REIREI 9
Te Atataiaomata
Te boto n reirei: “Kimwareirei ma akana kimwareirei, ao taang ma akana tang.”—IRom 12:15.
Te Baere E Karaoia Iesu
1. Mataku n te TAAMNEI, ke wareka Mareko 6:30-34. Imwina ao nori titiraki aikai:
E aera ngke a kani “kaokoroia” Iesu ma ana abotoro?
Tera are e kaira Iesu bwa e na reireinia aomata?
Tera Reireiara Mairoun Iesu?
2. Ti kan taekina te rongorongo ae raoiroi nakoia aomata ma ti kani buokiia naba.
Kakairi Iroun Iesu
3. Kakauongo raoi. Kariaia bwa e na bunra nanona te aomata. Tai taonaanako ana taeka ke ni kakeaa bongan ana namakin, tabeaiangana, ke ana iango. Ngkana ko kakauongo raoi, ko kaotia bwa ko tabeakina ana iango.
4. Iaiangoa te aomata ae kan ongora. Ni kaineti ma am maroro ma ngaia, titirakiniko aei:
‘Bukin tera ngkai e riai n ongora te koaua?’
‘E na kangaa n nakoraoi riki maiuna ni katoabong ao nakon taai aika imwaina, ngkana e reirei n te Baibara?’
5. Tibwaa nakoina te rongorongo ae kaineti ma kainnanona. Moantaai ni kaotia ae te reirei n te Baibara, e kona ni kaekai ana titiraki ao ni buokia n aanga aika manena.