Te Manga Bungiaki​—Tera Kakawakina?

N ANA maroro Iesu ma Nikotemo ao e katuruturua iai bwa e rangi ni kakawaki te rinanon te manga bungiaki. E a kanga ni katereterea anne?

Taraa aroni kamatataani kakawakin te manga bungiaki n ana maroro Iesu ma Nikotemo ngke e kangai: “Ngkana e aki manga bungiaki te aomata, ao e aki kona n nora uean te Atua.” (Ioane 3:3) A kamataataa riain te manga bungiaki taeka aika “ngkana” ao “aki kona.” N te kaikonaki teuana: Ngkana e kangai temanna, “Ngkana akea ootan taai ao e aki kona n oota te ngaina,” e nanonna ngkanne bwa e rangi ni kainnanoaki ootan taai ibukin ootan te ngaina. N te aro naba anne, e taekinna Iesu bwa e rangi ni kainnanoaki te manga bungiaki ibukin noran Ana Tautaeka n Uea te Atua.

N tokin ana taeka n aron ae e kani katoka te nanououa ae tii teutana ibukin te rongorongo anne e a kangai Iesu: “E riai ba kam na manga bungiaki.” (Ioane 3:7) E teretere ngkanne bwa ni kaineti ma are e taekinna Iesu, te manga bungiaki bon te bwai ae riai ae te kaetieti ibukin ane e na “rin n uean te Atua.”​—Ioane 3:5.

Kioina ngkai e iangoia Iesu bwa e a rangi ni kakawaki te manga bungiaki, a riai ngkanne Kristian n taraia bwa a na eti raoi otaia n te rongorongo aei. N te katoto, ko iangoia bwa e kona te Kristian n rineia bwa e na manga bungiaki ke e aki?

[Kabwarabwaraan n iteraniba 5]

“Ngkana akea ootan taai ao e aki kona n oota te ngaina”