Titiraki Aika Kaekaaki Man Te Baibara

Tera ae kainnanoaki bwa ko aonga n riki bwa te karo ae raoiroi?

Bon te tabo ae rangi n raoiroi ibukin te ataei bwa e na ikawairake iai, te mwenga ae a kaotiota te tangira ao te karinerine iai kaaro. (I-Korote 3:14, 19) A tangiriia natiia kaaro aika raoiroi ao a kamoamoaia n aron Iehova ae te Atua are e kamoamoaa naba Natina.—Wareka Mataio 3:17.

E tauraoi n ongora irouia ana toro Tamara are i karawa ao e tabeakini aia namakin. A karekea reireiaia ae raoiroi kaaro mairouna ao n tauraoi n ongora nakon te baere a taekinna natiia. (Iakobo 1:19) A riai ni butimwaei aia namakin natiia n ikotaki naba ma aia namakin aika aki raoiroi.—Wareka Warekaia Iteraera 11:11, 15.

Ko na kangaa ni kaikawaiia natim?

Ngkai te karo ngkoe, iai mwaakam ni katei tuua. (I-Ebeto 6:1) Karekei reireiam man ana katoto te Atua. E kaotiota tangiraia natina n arona ni kabwarabwarai tuua nakoia n te aro ae mataata ao baika kona n riki, ngkana a aki ongeaba nako iai. (Karikani Bwaai 3:3) N oneani mwin are e na kairoroia aomata bwa a na ongeaba, e reireinia aroia ni kakabwaiaaki mani karaoan ae eti.—Wareka Itaia 48:18, 19.

Kateia bwa tiam buokaia natim bwa a na tangira te Atua. A na kona ngkanne ni karaoi mwakuri ma te wanawana e ngae naba ngkana ko aki mena i rarikia. N aron te Atua n reireinia aomata man ana katoto, reireinia naba natim bwa a na tangira te Atua man am katoto.—Wareka Te Tua-Kaua 6:5-7; I-Ebeto 4:32; 5:1.