Young People Ask—What Will I Do With My Life? (Mwakoro 1)
Ngkana a a tabe n ikawairake rooro n rikirake, ao a riai ni karaoi motinnano aika kakawaki. E a tia ni katauraoaki ibukini buokaia, te birim ae Young People Ask—What Will I Do With My Life? Ngkana ko moani kaota te birim aei ao rinea te taeka ae Play Drama, ao noria ngkana ko kona ni kaekai titiraki aika mena ni barakirabe 2. Imwina rinea te taeka ae Interviews are kaoti ni moan otin te birim, ao imwina manga rinea te taeka ae Looking Back, ao kataia ni kaekai titiraki aika mena ni barakirabe 3.
Te Kaotioti: (1) N aaro raa aika titeboo iai aron Timoteo ma angiia rooro n rikirake aika Kristian ni boong aikai? (2) E kanga ni kairoroaki Andre bwa e na riki bwa te tia takaakaro ae mwaatai? (3) Tera are e tuangaki Andre irouni Brother Fleissig ni kaineti ma (a) katabuani maiuna nakon Iehova ao kabanean ana tai n te takaakaro? (Mat. 6:24) (b) nibwan te kukurei ni koaua? (c) te bwai ae e kauringaki iai man ana boora are e kakabongana ngke e kabureaki? (d) aomata ake a rawetaamnei ma ngaia ao kainnabana? (e) e uringaaba ngke e katoka uaiakinani baike e kani karekei? (IBir. 3:8) (4) Tera ana kaeka tibun Andre nakon ana titiraki ae kangai, “E kairua ngkana I riki bwa te tia kabobirimwaaka ae tanoata taekana?” (Ruka 4:5-7) (5) E reke raun nanon Andre ngke e tokanikai n te kabobirimwaaka? (6) Tera ae anaa nanom ni kanoan ana reta Brother Fleissig imwaini matena, nakon Andre? (TaeRab. 10:22) (7) Tera are e buokaki iai Andre irouni Brother Fleissig bwa e na karekea?
A Aki Uringaaba: (8) Baikara nakoa aika e uaiakin te tari te mwaane ao te tari te aine, ao bukin tera? (9) Tera aron rikirakeia n nakoaia ake a uaiakin? (10) Tera are a kairaki iai n tatabemania nako bwa a na bitii nakoaia? (2Kor. 5:15) (11) Baikara mwioko n te ekaretia ake a a manga karekei imwina, ao e aera ngkai a namakinna bwa a aki kona n ukoukori baikai ni kauoua? (12) A uringaaba ngke a bitii baika a kaatuui iangoaia ni maiuia? (13) Baikara baike a taekin ae kairiko bwa ko na iangoa te bae ko riai ni karaoia ni maium?
Taiaoka n rinanoi taiani maroro ake tabeua n te birim ao reirei aika raka iai, ao tauraoi ni kaekai ngkana a maroroakinaki n te Botaki Ibukin te Uarongorongo n te wiki are imwina.