Young People Ask—What Will I Do With My Life? (Mwakoro 2)
Ngkana e moan oti te birim ae Young People Ask—What Will I Do With My Life? rinea moa te taeka ae Interviews, ao imwina rinea te taeka ae Sections. Imwini matakuakinani mwakoro aika tenua iai, ao rinanoi titiraki ni barakirabe 2. Imwina rinea te taeka ae Supplementary Material are oti ni moan otin te birim. Imwini matakuakinan reirei aika raka iai aika nimaua, ao rinanoi titiraki ni barakirabe 3.
Taiani Maroro—Katabuani Maium Ibukin Ukoukorani Kakannatom ke Ibukin te Atua: (1) Baikara tiia aika a kairoroaki rooro n rikirake bwa a na uaiakin? (2) A na kanga ni buokaki rooro n rikirake n 1 Ioane 2:17 ni baireia bwa a riai n uaiakina te reirei ae rietata ke a na aki? (3) Bukin tera bwa ti aki riai ni kariaia te maaku bwa e na tukira man te bwabetito? (4) Baikara baika a na buokira n tau nakon te bwabetito? Karikirakea Kimwareireim n Am Mwakuri ni Minita: (5) Bukin tera bwa a aki kimwareirei tabeman n te mwakuri ni minita? (6) Baikara baika ti kona ni buokaki iai? (7) Baikara baika a maakua tabeman, moarara riki ngkana a maroro ma te aomata ae a kinaa, ao bukin tera? (8) Ti na kanga n tokanikai i aoni maakakia tabeman, ao ni karikirakea te ninikoria n taetae? (9) Bukin tera bwa e kakawaki naba karikirakean rabakaura n te mwakuri ni minita? Te Mataroa ae e Uki Nakon te Mwakuri: (10) E kanga te mwakuri ni bwaiania ni kauka te mataroa nakoni mwakuri aika bati ibukini karikirakean ara onimaki? (IBir. 3:16) (11) Bukin tera bwa a tabwarabwara tabeman ni karaoa te mwakuri ni bwaiania? (12) Baikara booto n reirei man te Baibara aika kona ni buokira n tokanikai i aoni kangaanga ni kaineti ma te mwane? (13) Tera aroia tabeman ni kareketianti ibukini boutokaan aia mwakuri ni bwaiania? (14) Tera ae kona ni karaoia temanna ngkana iai baika riki nakoina, aika a na tukia mani kabwaninan ana tai n te mwakuri ni minita?
Reirei Aika Raka—Manenan te Ukeuke n Reirei i Bon Iroum: (15) Bukin tera bwa e kakawaki ara babaire ae nakoraoi ibukin te ukeuke n reirei n te Baibara i bon iroura? Te Uarongorongo n Ana Tabo te Botannaomata: (16) E na kanga n rikirake kimwareireira ngkana ti uataboa te mwakuri ni minita n aanga aika kakaokoro? Te Mwakuri n te Betaera: (17) Baikara kakabwaia tabeua aika kona n reke n te mwakuri n te Betaera? Te Kuura Ibukini Kataneiaakia Minita: (18) A kanga ni kakabwaiaaki te koraki ake a kaea te reirei aei (ae ataaki ngkai bwa te Kuura n Reirei n te Baibara Ibukia Taari Mwaane Aika Akea Buuia)? Te Kuura ni Kireata: (19) A kanga ni katauraoia Peter ao Fiona ibukin tiaia ae a uaiakinna ae te mitinare, ao a kanga ni kakabwaiaaki man te Kuura ni Kireata?