Karikirakean Rabakaura n te Mwakuri ni Minita—Te Kaeka Nakoni Kaain te Auti ae Unun

Bukini Kakawakina: A bati aomata aika a ataa te katei ake ti kaitiboo ma ngaiia n te mwakuri ni minita. Ma e taetae ni burabetinna Iesu bwa ti na ribaaki irouia tabeman. (Ioa. 17:14) Ngaia are ti riai n aki mimi ngkana ti kaitiboo ma kaain te auti ae unun. Ngkana e riki aei, ti riai ni kaeka n te aro ae na kukurei iai Iehova. (IRom 12:17-21; 1Bet. 3:15) Ni karaoan aei, ti a kona iai n totokoa rikiraken te kangaanga. E na riki aei bwa te bwai ni kaotioti nakoni kaain te auti ao tabeman naba, ao a na kan ongora riki ni manga kawaraia irouia Ana Tia Kakoaua Iehova.—2Kor. 6:3.