Aroni Kabwarabwaraan te Maekatin

Te-N-Tantani Tun 1

“Ti kawaria kaain rarikira ni mamaroro man te Baibara tabeua te miniti. A iangoia aomata aika bati bwa e a tia te rabakau n aonnaba ae te science ni kakoauaa bwa e aki eti kanoan te Baibara. Tera am iango ibukin te Baibara? Ko iangoia bwa e riai n onimakinaki? [Kariaia te kaeka.] Nora te katoto ae kakannongora aei ibukin te rabakau ae eti raoi man te Baibara. [Wareka Iobi 26:7.] E kamatataaki n te maekatin aei, aron te rabakau n aonnaba ao te Baibara ae a kaai ni boraoi ao n irekereke.”