RAIBURARI N TE INTANETE ibukin Te Taua-n-Tantani

RAIBURARI N TE INTANETE

mwb16 Eberi i. 3
Kaungaia ao Kakorakoraia Aomata n Taeka Aika Kaota te Akoi

Maiura ni Kristian ao Ara Mwakuri ni Minita—Te Boki n Reirei 2016

mwb16 Eberi i. 3

BAIKA KAKAWAKI AIKA MENA N ANA TAEKA TE ATUA | IOBI 16-20

Kaungaia ao Kakorakoraia Aomata n Taeka Aika Kaota te Akoi

E riai ni kakorakoraia aomata ana taeka te tia anga te reirei ni kairiri

E nanokawaki ao n rawawata Iobi, ngaia are e kainnanoa te boutoka ao te kaungaunga mairouia tabemwaang
Akea te bwai ae a taekinna raoraon Iobi ake teniman ni kabebetea iai. Ma a kabuakakaa ao ni kabatiaa riki raraomana

E tang n rawawata Iobi n ana taeka Biretata aika aki kaota te akoi

E tang ni kani buokaki Iobi nakon te Atua ibukini karekeani kabebeteana n te anga teuana, ae te mate naba
E kaatuua ana iango Iobi i aoni kantaningaan te mangauti, ao e teimatoa n nanomwaaka ni kakaonimaki

E kataetaea Iobi Eribati ao a mataku Biretata ma Toba

TAANI BUKINA IOBI

Eribati:

Tao kaain Teman n te aba ae Etom. E taekinaki Teman n Ieremia 49:7 bwa nibwani wanawanan Etom
N taraana Eribati bon te kabanea n ikawai ao ni mwaatai i buakoia “taani karaunano,” ngaia are e moan taetae. E anga tenua ana maroro ao e abwabwaki riki ana maroro nakoia naake uoman

Bukibuki aika kairua:

E kakanikoa etin aron Iobi ao e taekinna bwa te Atua e aki onimakinia ana toro (Iob 4, 5)
E arana Iobi bwa e kan rarabakau ao e buakaka ao e taekinna naba bwa e aki maaka te Atua (Iob 15)
E bukina Iobi bwa e nanonrang ma n ribuaka, ao e taekinna bwa akea bongan te aomata iroun te Atua (Iob 22)

Biretata:

Kanoan Tuua. E bae ni maeka i rarikin te Karaanga ae te Iuberetiti
Ngaia are e kauoman n taetae. A kimototo riki ana maroro aika tenua ao a kammaraki riki nakon Eribati

Bukibuki aika kairua:

E taekinna bwa a bure natin Iobi ao a tau ni bwakaraki n te kabuanibwai, ao e taku naba bwa Iobi e aki maaka te Atua (Iob 8)
E taekinna bwa te tia bure Iobi (Iob 18)
E taku bwa akea manenan etin aron te aomata (Iob 25)

Toba:

Te I-Naama ae tao mai meangimaeaon Arabia
Te kateniman n taetae ao te tia bukibuki ae moan te kammaraki ana taeka. Tii uoua ana maroro

Bukibuki aika kairua:

E bukina Iobi bwa akea uaan ana taetae ao e tuangnga bwa e na kaaki ana mwakuri aika bubuaka (Iob 11)
E taekinna bwa e buakaka Iobi ao e kukurei ni karaoan ae bure (Iob 20)