Ongeaba Iroun te Atua​—Aroni Kabonganaana

E karaoaki te boroutia ae Ongeaba Iroun te Atua ma taamnei ake iai ibukin reiakinani koaua aika kakawaki man te Baibara nakoia naake e kangaanga irouia te wareware. Ni katoaa iteranibaana aika uoua, iai taamnei aika karauaki raoi ni baireaki ma kainikoto ake a tuangko arom ni maroroakina te taamnei teuana imwin teuana.

Titeboo taamnei ake n te boroutia ae Ongeaba Iroun te Atua ao Ko na Maiu n Aki Toki ma are n Ongeaba Iroun te Atua, ma e bati riki kabwarabwaraan are te moan ao e kona ni kabonganaaki irouia naake a reirei ake iai rabakauia teutana ni wareware. A aki toki taan uarongorongo ni kabongana bwa aia bwai n angareirei ao aia aomata e kabongana Ongeaba Iroun te Atua. A bati ni baana bwaoki ma rongorongo riki tabeua ake a kona ni maroroakinaki, ma e a nakon ngkanne ana konabwai am reirei.

Ko kona n anga teuana mai iai ngkana e kan ongora te aomata, e ngae naba ngkana tiaki taina n tibwaaki te namwakaina anne. Ni kairan te reirei n te Baibara, kabonganai taamnei ake iai ni kabwarabwaraa te rongorongo man te Baibara. Tabeki titiraki ni kammwakura ana iango ao taraia raoi bwa e na ota iai. Wareki ao maroroakini kiibu ake i nano. Ngkana e bane irouna te boroutia, reirei ma ngaia n Tera Ana Reirei ni Koaua te Baibara? ke Tera Reireiara Man te Baibara? ni buokia bwa e na rikirake nakon te bwabetito.