MAIURA NI KRISTIAN
Aroaro Aika Riai i Matan te Auti
Boni “bwaai ni kamataku [Kristian] nakoia kaain te aonnaba.” (1Ko 4:9) Ngaia are ti na aki mimi ngkana a matakuakinira kaain te auti man te winto ke ni kakauongo mai akun te mataroa. E bae n iai naba te kainrawetaamnei n te auti ibukini kamanoaia kaaina ao te bwai n rawebwanaa bwa a aonga n norira, ni kakauongo, ao n rawei bwanaara. Aikai aanga tabeua ibukini bwainan aroaro aika riai i matan te auti.—2Ko 6:3.
AROAROM (Brb 1:27):
Kaota karineaia kaain te auti n arom n aki kaninganinga. Tai amwarake, ke ni moi, ao n tareboon ke n text ngkana ko tei i matan te auti
AM TAETAENIKAWAI (Ebt 4:29):
Ngkana ko a tei i matan te auti, tai taekina te bwai ae ko aki tangiria bwa e na ongo kaain te auti. A kona taan uarongorongo tabeman ni baireia bwa a na katoka aia maroro ma toaia bwa a aonga n iangoa raoi te bwai ae a kan taekinna