Karikirakean Rabakaura n te Mwakuri ni Minita Manga Okiraia Aomata

BUKINI KAKAWAKINA: A bati ake a kaota te kan ongora n rongorongon te Tautaeka n Uea aika a tabe n ukoukora ngkai te koaua ibukin te Atua. (It 55:6) Ti riai n okiokiriia ngkana ti kan reireinia bwa a na rikirake teutana imwin teutana. A kakaokoro kangaanga aika a kaaitarai aomata, ngaia are e riai naba ni kakaokoro ara anga ibukini karikirakeani kan ongoraeia. Ma e ngae n anne, e kona n uaana riki ara mwakuri ngkana ti katauraoi raoi ao n iangoa te reirei teuana ni katoaa okirana, ma iaiangoan tiara ae moanakin te reirei n te Baibara.

ARONI KARAOANA:

• Kakorakorako bwa ko na waekoa n okiria tao tii tabeua te bong imwini kawarana.​—Mt 13:19

• Bwaina te akoi ao te karinerine. Taetae ma te aki nakonnano

• Moana am maroro n te kamauri. Kamanena aran te aomata. Kauringnga bukini manga okirana​—bwa tao ko na kaekaa ana titiraki, ko na nikira ana maekatin ae boou, ko na kaota nakoina ara atureti n te intanete, ke te taamnei teuana, ke ko na kaota nakoina aroni kairan te reirei n te Baibara. Bita am maroro ngkana e tangira te reirei riki teuana.​—Brb 2:4

• Teboka koraan te koaua ane i nanona n tibwaan te koaua teuana man te Baibara ao tao katukan te boki teuana irouna. (1Ko 3:6) Kataia ni karikirakea am iraorao ma ngaia

• Karekea angani manga okim are imwina