“Ane E Botiia te Atua . . . ”

N te Tua Rinanoni Mote, e riai te mwaane ae kani buuraure ni karekea te beeba ni buuraure i aan te tua. E karaoaki aei bwa e aonga ni kabaenikaiia aomata man te buuraure. Ma n ana tai Iesu ao e rangi ni bebete te buuraure irouia mataniwi n Aaro. A kona mwaane ni buuraure ma buuia i aani bukina aika kakaokoro. (“te beeba ni buuraure” study note Mrk 10:4, nwtsty; “teuare buuraure ma buuna,” “wene ni kimoa” study notes Mrk 10:11) E kamataata Iesu te koaua ibukin te mare bwa bon ana babaire Iehova ao e moani kateia. (Mrk 10:2-12) A riai n riki bwa “tii te irikona” n aki toki te buu te mwaane ao te buu te aine. Te buuraure ae riai n te Baibara, n aron are e taekinaki ni Mataio, bon te “wene ni bure.”—Mt 19:9.

Ni boong aikai, a bati aika aki iangoa te mare n aron iangoana iroun Iesu, ma a kakairi n aia iango Baritaio. Ngkana a riki kangaanga, a waekoa ni buuraure. Ma e kakawaki riki irouia taanga aika Kristian aia taeka ni bau n aia mare, ao a kakorakoraia ni kanakoraoi aia kangaanga mani maiuakinan ana boto n reirei te Baibara. Imwini matakuakinan te taamnei ae A Katiteuanaaki Utu n te Tangira ao te Karinerine, kaekai titiraki aikai:

• 

  Ko na kangaa ni maiuakina Taeka N Rabakau 15:1 n am mare, ao e aera bwa e kakawaki?

• Ko na kangaa n totokoi kangaanga ni maiuakinan Taeka N Rabakau 19:11?

• Ngkana e nang uruaki am mare, n oneani mwin are ko iaiangoa aei, ‘Tao N nang buuraure?’ baikara titiraki ake ko riai n iangoi?

• Ko na kangaa n riki bwa te buu ae raoiroi riki ni maiuakinani Mataio 7:12?