Kaaro, Kabanea Ami Konaa ni Buokiia Natimi Bwa A Aonga n Tokanikai

A rangi n tangiria kaaro aika mamaaka te Atua bwa a na kakaonimaki natiia ao n toro iroun Iehova. A kona kaaro ni buokiia n aei n aroia ni karin ana reirei te Baibara i nanoia natiia man uarerekeia. (TTK 6:7; TNR 22:6) E kainnanoaki iai te anga boni ngkoe? Eng! Ao e materaoi te kakorakora iai.—3Io 4.

A kona kaaro ni karekei reireiaia mairouia Ioteba ao Maria. A “taneiai . . . ni katoa ririki n nako Ierutarem bwa a kaakaea te Toa ae te Riao,” e ngae ngke e kainnanoaki iai te kakorakora ao te kabanemwane. (Rk 2:41) Ni koauana, e moanibwai n aia utu aia iraorao ma Iehova. N aron anne, a kona kaaro ni boong aikai ni kaiririia naba natiia nakon te kawai ae eti, ni kamanenaan aia tai ni kabane n reireinia n aia taeka ao n aia katoto.—TA 127:3-5.

MATAKU N TE TAAMNEI AE A KAMANENAI AIA TAI NI KABANE, AO KAEKAI TITIRAKI AIKAI:

• A kangaa Jon ao Sharon Schiller ni moanibwaia te Tautaeka n Uea n aia tai ni kaikawaiia natiia?

• E aera bwa e riai ni kakaokoro aia reirei ni kaetieti kaaro nakoia natiia n tatabemania nako?

• A na kangaa kaaro ni buokiia natiia ni kaaitarai kataakin aia onimaki?

• Baikara bwaai n ibuobuoki n ana botaki Iehova aika ko kabonganai ni buokiia iai natim bwa a na riki bwa raoraon Iehova?