Karikirakean Rabakaura n te Mwakuri ni Minita​—Ara Kaeka Nakon Taeka n Totoko

Bukini Kakawakina: Iangoia bwa ko ataia ae e na waekoa n riki te kabuanibwai. A na mate aomata ngkana a aki birinako ni kamanoia. Ko kawara kaain rarikim ni kauringnga, ma e katokiko n taekinna bwa e tabetabe. Ni koauana, ko na bae n aki ienikuri ni kakeaa bongan am kakorakora ni buokia! A a bati aomata n ara aono aika kanakoira bwa a aki ataa kakawakin ara rongorongo ibukini kamaiuaia. Tao a rangi n tabetabe n te moantai are ti kawariia iai. (Mat. 24:37-39) Ke tao a a tia ni kairarangaki n rongorongo aika kewe. (Mat. 11:18, 19) A kona ni kakoauaa bwa ti aki kaokoro ma Aaro ake a karikirakei uaa aika bubuaka. (2 Bet. 2:1, 2) Ngkana e aki kan ongora n te moantai kaain te auti, ti aki riai ni waekoa ni bwarannano.