“Aio Ngai! Kanakoai!”

E bon tau ni katotongaki nanon Itaia ni kan anga boni ngaia. E kaotia ae iai ana onimaki ao e aki tabwara ni kaekaa te wewete, e ngae ngke e aki ataa rongorongona ae bwanin. (Ita 6:8) Ko kona ni kaangaraoa am tai bwa ko aonga ni beku n te tabo ae a kainnanoaki riki iai taan uarongorongoa te Tautaeka n Uea? (TA 110:3) Ma ko bon riai ni “warebwaia te kabanemwane” ibukini mwaingim nakon te tabo teuana. (Rk 14:27, 28) Ma tauraoi ni kakeako ibukin te mwakuri n uarongorongo. (Mt 8:20; Mrk 10:28-30) N aron ae kamatataaki n te taamnei ae Te Mwaing Nakon te Tabo ae Korakora Riki Iai Kainnanoan te Ibuobuoki, a na bati riki kakabwaiaara n te beku ibukin Iehova nakoni baike ti kakeai.

IMWINI MATAKUAKINAN TE TAAMNEI, KAEKAI TITIRAKI AIKAI:

• Baikara baike a kukurei ni kakeaia iai kaain te utu ae te Williams bwa a aonga ni beku i Ecuador?

• Baikara baike a iaiangoi ni kaineti ma rinean te tabo are a na beku iai?

• Baikara kakabwaia ake a karekei?

• Ko na karekei ia rongorongo riki tabeua ibukin te beku n te tabo ae korakora riki iai kainnanoan te ibuobuoki?

N AM TAROMAURI N UTU ARE IMWINA, MAROROAKIN TITIRAKI AIKAI:

• Ti na kangaa ni karababaanako ara mwakuri ni minita n ara utu? (km 8/11 4-6)

• Ngkana ti aki kona ni beku n te tabo ae kainnanoaki riki iai te ibuobuoki, baikara aanga ake ti kona iai ni buoka ara ekaretia? (w16.03 23-25)