REIREI 11

Taetae ma te Ingaingannano

I-Rom 12:11

KABWARABWARAANA: Kaungai nanoia taan ongora n arom n taetae ma te ingaingannano.

E riai n ringaki moa nanom n te reirei anne. Ngkana ko katauraoi imwain am kabwarabwara, iaiangoa raoi kakawakin te rongorongo are iai. Kamatebwaia raoi bwa ko aonga ni kona ni kabwarabwaraa mai nanom.
Iaiangoiia taan ongora. Kananoa am iango bwa a na kangaa ni kakabwaiaaki tabemwaang n te baere ko na warekia ke ko na angareirei iai. Iangoi aanga ake ko na taekina iai te reirei anne n te aro ae a na ataia taan ongora bwa a na kangaa ni kakabwaiaaki iai.
Kamaiua am kabwarabwara. Taetae ma te ingaingannano. Katea kain am kabwarabwara ao kaotii am namakin n tein ubum.

Taraia bwa ko na aki katabetabei aia iango taan ongora ngkana e a okioki naba kateani kain am kabwarabwara. Katea kain am kabwarabwara n aron ae boraoi ma ae ko taekinna. Taetae ma te ingaingannano ngkana ko taekin reirei aika kakawaki ao ngkana ko kaungaia taan ongora bwa a na maiuakinna. Tai kariaia bwa a na botu taan ongora man arom n taetae ma te ingaingannano ae riao mai moan am kabwarabwara ni karokoa banena.