Bon Tii te Aomata ae Raoiroi Iesu?

Ana kaeka te Baibara

Tiaki tii te aomata ae raoiroi Iesu. E bon korakora naba rotakia aomata irouna mangkoa ni karokoa ngkai. Nori aia taeka ibukin Iesu taani korea rongorongon rimoa ao taani kororongorongo aika tanoata taekaia aikai:

“Iesu ae te I-Natareta . . . e rangi ni kai tanoata taekana n rongorongon rimoa.”—H. G. Wells, ae te tia korea rongorongon rimoa ae te I-Engiran.

“Moan te kakawaki maiun Iesu ae te aomata ae e a tia ni maiu n te aonnaba aei, ao e teimatoa n rikirake ni korakora rotakia aomata ni maiuna.”—Kenneth Scott Latourette, ae te tia korea rongorongon rimoa ao te tia korea te boki ae te I-Amerika.

E kaotaki n te Baibara bwa e aera Iesu ngkai e korakora riki rotakira irouna nakoia aomata aika raoiroi ake a a tia naba ni maiu. Ngke e titirakinia Iesu taan rimwina ake a rangi ni kaan ma ngaia bwa antai ngaia, ao e eti ana kaeka temanna irouia ae kangai: “Bon te Kristo ngkoe, ae Natin te Atua are maiu.”—Mataio 16:16.