Nú Ea É Náa Kọ Ó Láá Kẽ̀èa Boo Dọ̀ Kpá Káí

É kọ à íe tṍó ea beè tàvàlà ní ló gè kẽ̀èa boo dọ̀ Kpá Káí ea ólò palàge leemá ni? Àé láá dú dọ̀ Kpá Káí ea ólò nvèè ni nyíé gbàà, nvèè bá nè ni kọ ó bé èlbá gè bugi tógó boo nú ea dú pọ́lọ́, àbèè dọ̀ Kpá Káí eo beè gbĩ́ gè kọọmá kpẹ̀a. (Ps. 119:​11, 111) Nee sìgà lọ̀ọ̀gà bùlà ea é nveè bá nè ni kọ ó láá kẽea boo dọ̀ Kpá Káíí.

• Tú tag ea di mm̀ JW Library^® app siimá tóm. Daa bá boo tag vaá ò émí “Gbò Dọ̀ Kpá Káí Ea Palàge Leemám,” tṍó eo ni náa vó lọ̀l, emí gbò dọ̀ Kpá Káí ea é léémá ni gè kẽ̀èa boo kè kẽè kĩá.

• Emí gbò dọ̀ Kpá Káíá vaá ò ká kĩée eo é valẹ̀bá mòn. Emí gbò dọ̀ Kpá Káí ea é léémá ni gè kẽ̀èa boo dẽe kpá, vaá ò ká kĩée eo é valẹ̀bá mòn. Sìgà gbò ólò tú ká dẽè ba ẹ̀àsĩ́; sìgà gbò ólò ká ló nùtọọ̀ fríìg. Sìgà gbò ólò tú dọ̀ Kpá Káíá naamá fòtó ea é dí dẽè ba fóòn àbèè ba kòmpútà.

• Tú dọ̀ Kpá Káí emí dẽè káàd. Emí dọ̀ Kpá Káíá enè bá ea di ló káàda, vaá ò émí nú ea kọ́ dõona bá ea di ló. Tṍó eo ni náa vó lọ̀l, maaná dẽe lọl dẽè káàda vaá ò piiga boo gè kẽ̀èa boo dọ̀ Kpá Káíá nè nú ea kọ́.