Jíízọ̀s Beè “Nó Gè Gbàntṍ Ló”

Jíízọ̀s ólò gbàntṍ ló Jìhóvà. (Jṍòn 8:29) Éé ní ea náa vaá Kpá Káí à kọọ̀: “A beè nó gè gbàntṍ ló tení dú ló gè mòn tã̀àgã̀” ẽ?​—Híb. 5:8.

Tṍó e Jíízọ̀s beè di boo kunukẽ̀í, a beè kpeesĩ́ ló gbò dìtõ̀ò e náa beè di bá gbẹá káála. Náa kal ló béè kọọ̀ a tẹ̀ nè a kà géè fã̀ Jìhóvà, bà náa beè gbõoma. (Lúùk 2:51) Gbò tùle bõ̀ònaló fã̀ nè gbò e bà géè bẹ̀l beè tú pọ́lọ́ bá sẹ̀ẹ̀màe. (Máát. 26:59; Máàk 15:15) A beè ú kà nyaa ló ú. Kpá Káí kọ́ọ̀, ‘A beè tú a lóó kilma kẽ vaá gbàntṍ ló Bàrì dọ̀ọ̀mà tṍó ea ú.’​—Fíl. 2:8.

Gbò nú e Jíízọ̀s beè tení bá gbẹá boo kunukẽ̀í beè naa kọ á nó gè gbàntṍ ló mm̀ sĩ́deè ea dú kele ló bé ea beè olòó gbàntṍ ló Jìhóvà gbẹá káála naa. Vó ní ea náa kọ á dú Méné ea gbõoma, nè Pọ̀b Neǹ Vààla Gyọ́ọ, ea é láá tói sàn ẽ. (Híb. 4:15; 5:9) Jìhóvà beè palàge nvèè ka ló Jíízọ̀s vaá túe siimá gã́bug tóm tṍó ea ni nó gè gbàntṍ ló téní dú ló gè mòn tã̀àgã̀ lọ̀l. Jìhóvà é nveèi ka ló vaá túi siimá nágé gã́bug tóm be è kilsĩ́ gè gbànie tṍ ló tṍó e di kèbá tàvàlà dìtõ̀ò.​—Jém̀z 1:4.