Usa o teu “don espiritual”

A todos anímanos pasar tempo cos nosos irmáns e irmás, e sobre todo se facemos algo máis que simplemente estar xuntos. A Biblia di que poder fortalecernos a fe uns ós outros é un “don espiritual” (Rom. 1:11, 12). Como podemos sacarlle o máximo partido a este don?

Anima a outros co que dis. Por exemplo, cando comentes nas reunións, ten coidado de non centrarte demasiado nas túas ideas ou na túa vida. Máis ben, fala do que aprendes de Xehová, da Biblia e dos seus servos fieis. E cando esteas cos irmáns, fala de cousas animadoras.

Anima a outros co que fas. Por exemplo, outros quizais vexan que decidiches continuar no servizo a tempo completo aínda que non é fácil para ti, e isto pode animalos. Ou ven como asistes á reunión de entre semana a pesar dos teus problemas de saúde ou de estar cansado por un día longo no traballo.

Animas os irmáns co que dis e co que fas? Fíxaste no que din ou fan os irmáns para animarte?