A xente está deixando de confiar nos políticos. O que di a Biblia

O 2024 será o ano no que haxa máis eleccións por todo o mundo da historia. Aínda así, moita xente está deixando de confiar nos políticos.

• A maioría dos americanos que participaron nunha enquisa dixeron que “a maioría dos políticos están motivados por intereses egoístas” en vez de por un desexo de servir as persoas que representana (Pew Research Center, 19 de setembro de 2023).

Os rapaces de hoxe en día tampouco confían nos políticos.

• “Ós adolescentes preocúpalles encontrar a solución ós problemas actuais, pero nunha enquisa dixeron que non cren que os políticos o estean conseguindo” (The New York Times, 29 de xaneiro de 2024).

• “Segundo unha enquisa, os rapaces confían máis nos ‘YouTubers’ que nos políticos” (The Korea Times, 22 de xaneiro de 2024).

Podemos confiar en que os políticos conseguirán un futuro mellor? E se non, en quen podemos confiar?

Ten coidado cando escollas en quen confías

Está ben que as persoas teñan coidado ó decidir en quen confiar. A Biblia di: “O inxenuo dá creto ó que sexa, o asisado calcula os seus pasos” (Proverbios 14:15).

• Se queres encontrar consellos útiles para avaliar a información que recibes, le o artigo “Cómo protegerse de la información falsa”.

É máis, incluso os políticos máis honestos e coas mellores intencións non poden facer todo o que queren. A Biblia advírtenos:

• “Non poñades a vosa confianza en príncipes [ou líderes] nin en ningún outro home, porque non poden traer a salvación” (Salmo 146:3).

Un líder no que si podes confiar

A Biblia explica que Deus escolleu o líder máis competente e fiable: Xesucristo (Lucas 1:32, 33). Xesús é o Rei do Reino de Deus, un goberno que actúa desde o ceo (Mateo 6:10).

• Aprende por que podes confiar en Xesús e que vai facer para solucionar os problemas que temos. Le os artigos “Quen é o Rei do Reino de Deus?” e “Que logrará o Reino de Deus?”.