Poden as operacións de paz conseguir un mundo seguro?

As guerras e os conflitos armados están sucedendo constantemente no mundo. Por iso, as Nacións Unidas e outras organizacións participan en operacións para manter a paza, o que inclúe estar presentes en áreas onde hai conflitos. A súa esperanza é axudar a estabilizar estas zonas onde hai moita violencia. “Os cascos azuis das Nacións Unidas son a proba evidente do noso compromiso cun mundo máis pacífico” di o Secretario Xeral da ONU, António Guterres.

Co paso dos anos, algunhas operacións para manter a paz tiveron bos resultados. Por exemplo, protexeron a civís, devolveron refuxiados ós seus países de orixe, entregaron axuda humanitaria e reconstruíron infraestruturas danadas. Pero os esforzos por manter a paz encóntranse con grandes obstáculos que impiden conseguir o seu obxectivo. Haberá algunha vez solucións duradeiras para conseguir verdadeira paz no mundo? Que respostas da a Biblia?

Algúns obstáculos para manter a paz e as solucións que dá a Biblia

Obstáculo: falta de cooperación. Conseguir que cooperen múltiples organizacións militares e civís, xeralmente de diferentes países, non sempre é fácil. Ás veces, estas organizacións teñen dificultades para traballar xuntas con éxito debido a malentendidos e a que teñen diferentes prioridades.

A solución que dá a Biblia: “O Deus do ceo suscitará un reino [. . .] e acabará con todos estes reinos [os gobernos humanos], e el subsistirá para sempre” (Daniel 2:44).

Obstáculo: recursos e capacidades limitadas. As operacións para manter a paz non sempre contan con suficientes persoas, apoio económico ou outros recursos. Isto limita o que se pode facer. Ademais as persoas que traballan para manter a paz tamén teñen que actuar en situacións cada vez máis difíciles e perigosas.

A solución que dá a Biblia: Deus sentou a Xesús “á súa dereita nos ceos, por riba de toda soberanía, autoridade, forza” (Efesios 1:17, 20, 21).

Xehová,b o Deus todopoderoso, concedeu recursos ilimitados a Xesús, o Rei escollido do Reino de Deus (Daniel 7:13, 14c). O poder, o coñecemento, a sabedoría e o discernimento que Xehová lle deu a Xesús son moi superiores ós de calquera goberno ou organización humana (Isaías 11:2). Xesús tamén ten á súa disposición un exército de anxos poderosos (Apocalipse 19:14). Ningunha situación é demasiado complicada ou difícil para el.

Obstáculo: restricións legais. Ás veces, as persoas que traballan en organizacións que promoven a paz non poden facer todo o que lles gustaría debido a restricións legais ou por falta de instrucións claras. Isto pode impedir que protexan de forma eficaz a outros ou que cumpran os seus obxectivos.

A solución que dá a Biblia: Xesús recibiu “autoridade sobre tódalas cousas no ceo e na terra” (Mateo 28:18).

Deus deulle a Xesús a instrución clara de establecer paz na terra e tamén lle deu autoridade plena para facelo (Xoán 5:22). Xesús nunca actuará de maneira inxusta nin tampouco se corromperá (Isaías 11:3-5). Con razón, a Biblia chama a Xesús “Príncipe de Paz” e di que o seu Reino será xusto e recto (Isaías 9:6, 7, TNM).

O Reino de Deus traerá verdadeira paz

No mellor dos casos, os esforzos do ser humano por conseguir a paz poden traer certa estabilidade ou rematar cun conflito armado nunha rexión en concreto. Pero o que non poden facer é acabar coa verdadeira causa da violencia: o odio que hai no corazón de moitas persoas.

”‏O problema fundamental é que non hai paz que manter”‏ (Dennis Jett, exembaixador dos Estados Unidos).

En cambio, o Reino de Deus si pode conseguir verdadeira paz, por que? Porque lles axuda ás persoas a acabar co odio do seu corazón. Por exemplo, cando Xesús estivo na Terra, ensinoulles ós seus seguidores de palabra e tamén co seu exemplo a ser pacíficos e a demostrarlles amor a outras persoas:

Xesús tamén dixo que se poderían identificar os súbditos do Reino de Deus polo amor que demostran a outros. A Biblia deixa claro que os que odien a outras persoas non poderán vivir baixo o Reino de Deus.

Xehová Deus, quen creou os seres humanos, coñece a mellor maneira, de feito, a única maneira de establecer paz mundial. O seu Reino conseguirá todo o que os seres humanos non puideron facer, incluída a paz.