Sodes creacionistas?

Non. As testemuñas de Xehová cremos que Deus o creou todo. Pero non estamos de acordo co creacionismo. Por que non? Porque moitas das súas ideas contradín o que di a Biblia. Vexamos algúns exemplos:

1. A duración dos seis días da creación. Algúns creacionistas aseguran que Deus o creou todo en seis días literais de 24 horas. Pero na Biblia a palabra día pode referirse a un período de tempo máis longo (Xénese 2:4; Salmo 90:4).

2. A idade da Terra. Algúns creacionistas ensinan que a Terra tan só ten uns cantos miles de anos de vida. Pero, segundo a mesma Biblia indica, a Terra e o Universo xa existían antes dos seis días creativos (Xénese 1:1). Por iso, as testemuñas de Xehová non rexeitamos os informes científicos fiables que indican que a Terra pode ter miles de millóns de anos.

Aínda que as testemuñas de Xehová cremos na creación, non estamos en contra da ciencia. Pensamos que os feitos científicos son compatibles co que a Biblia ensina.